Novyja ciažkaści praz sankcyi: u Rasii ŭźnikli prablemy z navihacyjaj praz Paŭnočny marski šlach
«Novatek» bolš nie moža zakazvać kamiercyjnuju zdymku Paŭnočnaha marskoha šlachu sa spadarožnikaŭ z-za sankcyj, a zdymkaŭ u adkrytym dostupie niedastatkova, zajaviŭ namieśnik staršyni praŭleńnia «Navateka» Jaŭhien Ambrosaŭ, piša «RBK».
«[Ciapier] dastupnyja vyklučna zdymki z adkrytych zamiežnych krynic — takich zdymkaŭ mała, pry hetym jany vielmi redka pakryvajuć važnyja dla nas i najbolš składanyja ŭčastki akvatoryi Paŭnočnaha marskoha šlachu — Uschodnie-Sibirskaje mora, praliŭ Łonha, rajon na poŭnač i na ŭschod ad vostrava Uranhiela», — skazaŭ jon.
Kuplać zdymki ŭ zamiežnikaŭ niemahčyma va ŭmovach sankcyj, rastłumačyŭ Ambrosaŭ.
Dla taho, kab vykanać usie pieravozki ŭ termin, padradčykam spatrebicca «hrupoŭka rasijskich kamiercyjnych aparataŭ dystancyjnaha zandziravańnia Ziamli, jakija pracujuć u aptyčnym, infračyrvonym, radyjołakacyjnym dyjapazonie». Pry hetym usie ahrehaty pavinny ŭmieć rabić zdymki peŭnaha raspaznavańnia.
Paŭnočny marski šlach prachodzić ad praliva Karskija varoty da mysa Dziažniova ŭzdoŭž paŭnočnych bierahoŭ Rasii pa morach Paŭnočnaha Ledavitaha akijana (Karskaje, Łapcievych, Uschodnie-Sibirskaje, Čukockaje i Bierynhava). Jon złučaje jeŭrapiejskija i dalokaŭschodnija party, vuści sudnachodnych sibirskich rek u adzinuju transpartnuju sistemu.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii15
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1313
Kamientary