ZŠA abmiarkoŭvajuć pieradaču Ukrainie fłotu šturmavikoŭ A-10 Warthog
U vajskovych kołach ZŠA abmiarkoŭvajecca prapanova pieradać Ukrainie fłot šturmavikoŭ A-10. Jak adznačaje hazieta New York Times, u hetaj idei šmat sensu z punktu hledžańnia jak patrebaŭ Ukrainy, tak i intaresaŭ raźvićcia amierykanskich VPS, paviedamlaje Bi-bi-si.
Šturmaviki A-10 raspracoŭvalisia ŭ hady chałodnaj vajny śpiecyjalna dla źniščeńnia naziemnych celaŭ i pierš za ŭsio — dla baraćby z savieckimi tankami, jakija i ciapier šmat prymianiajucca Rasiejaj.
U toj ža čas Pientahon ŭžo nie pieršy hod sprabuje pazbavicca ad hetych mašyn, kab vyzvalić srodki dla zakupki i absłuhoŭvańnia bolš šmatcelevych samalotaŭ, jakija ŭ bolšaj stupieni adpaviadajuć ujaŭleńniam amierykanskich stratehaŭ ab budučych vajennych kanfliktach, u jakich mohuć udzielničać ZŠA.
Ale damahčysia ad Kanhresa sankcyi na heta amierykanskim vajskoŭcam da hetaha času nie ŭdavałasia; zakanadaŭcy ŭparta vyłučali hrošy na padtrymańnie i madernizacyju fłotu A-10.
Ministr VPS ZŠA Frenk Kiendał adrazu ŭ niekalkich svaich zajavach Na hetym tydni dapuskaŭ mahčymaść pieradačy A-10 Ukrainie.
Načalnik štaba amierykanskich VPS hienierał Čarlz Braŭn na Forumie pa biaśpiecy ŭ Aśpienie prama nie kazaŭ pra A-10, ale dapuściŭ mahčymaść pieradačy Ukrainie bajavych samalotaŭ, pryčym chutčej za ŭsio nie rasijskich.
Taksama abmiarkoŭvajecca mahčymaść pieradačy Ukrainie źniščalnikaŭ F-16, ale ŭ Kijevie nie ŭsie pierakananyja ŭ karyści hetaj mašyny dla patreb ciapierašniaj vajny.
Dahetul administracyja Bajdena piarečyła pieradačy Ukrainie samalotaŭ— navat ź inšych krain NATO — miarkujučy, što ŭ Maskvie hety krok budzie ŭspryniaty jak eskałacyja ŭdziełu ZŠA ŭ vajnie.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1515
Kamientary