Źnieśli jašče adzin pomnik na brackaj mahile žaŭnieraŭ Armii Krajovaj — u Stryjeŭcy pad Hrodnam
U Stryjeŭcy Hrodzienskaha rajona stajaŭ kamienny abielisk u pamiać žaŭnieraŭ 7-ha ŭdarnaha bataljona Armii Krajovaj, jakim kamandavaŭ Źbihnieŭ Čarnocki «Čarny». 20 vieraśnia 1943 hoda hety atrad vioŭ boj ź niamieckaj vajskovaj palicyjaj pad Stryjeŭkaj, straciŭšy ŭ im 32 žaŭniery. Imiony bolšaści zahinułych byli napisanyja na došcy, źmieščanaj na abielisku, ale heta nie spyniła vandałaŭ sa śpiecsłužbaŭ, piša Glosznadniemna.pl
Žychar vioski Aziory, dzie znachodzicca adnajmienny SPK, učora paviedamiŭ redakcyi Znadniemna.pl pra namier uładaŭ źniščyć adzin z najbolš zachavanych pomnikaŭ pamiaci žaŭnieram Armii Krajovaj u vioscy Stryjeŭka, jakija zahinuli ŭ baraćbie z fašysckimi zachopnikami.
Jak zapeŭniła krynica vydańnia, «u suviazi z tym, što nichto ź miascovych žycharoŭ nie advažycca ŭčynić śviatatactva, naprykład, parušyć spakoj voinaŭ, jakija spačyvajuć la pomnika, jany, vierahodna, pryciahnuli da razbureńnia miemaryjała rabočych sa Ščučyna».
Užo siońnia było atrymana paćviardžeńnie apahańvańnia mahiły žaŭnieraŭ Armii Krajovaj u Stryjeŭcy ad ambasadara Polščy ŭ Biełarusi Artura Michalskaha. Jon dasłaŭ fotazdymak hienieralnaha konsuła Polščy ŭ Hrodnie Andžeja Račkoŭskaha, jaki addaje daninu pamiaci zahinuŭšym žaŭnieram u apahanienym biełaruskimi ŭładami miescy ŭšanavańnia ich pamiaci.
Pomnik na mahile žaŭnieraŭ Armii Krajovaj byŭ ustalavany ŭ 1992 hodzie dziakujučy namahańniam Suśvietnaha sajuza žaŭnieraŭ Armii Krajovaj pry padtrymcy Rady achovy bajavoj i pakutnickaj pamiaci. Mahiła dahladałasia Tavarystvam žaŭnieraŭ Armii Krajovaj pry Sajuzie palakaŭ Biełarusi.
-
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie
-
Rekiet, rejdarstva, zhvałtavańni, žorstkija zabojstvy, siłaviki na zarpłacie i łajalnaść uładaŭ. Raskazvajem pra najbujniejšuju bandu Biełarusi
-
Pamior biełaruski akcior i režysior Maksim Sochar. Jamu było 44 hady
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie5
Kamientary