Aŭtuchoviča, imavierna, vypuścili z karcaru. Jon trymaje «suchuju haładoŭku»
Vaŭkavyski pradprymalnik, jakoha vinavaciać u «teraryźmie», 13-y dzień ničoha nie jeść i nie pje. Siońnia rankam dla jaho ŭziali pieradaču. Heta značyć, što jaho, imavierna, učora vypuścili z karcaru, dzie jon pravioŭ tydzień, piša Radyjo Svaboda.
Aŭtuchovič nie zajaŭlaŭ, što spyniaje haładańnie, adnak, blizkija prasili dasyłać jamu vadu, soki i miod, kab viazień u luby momant moh pačać vychad z haładoŭki.
Infarmacyi, jak adčuvaje siabie viazień, niama. Adnak nahadajem, što ŭžo na 10-y dzień haładoŭki jahony stan rezka pahoršyŭsia: u jaho staŭ nadta časty puls, pačalisia mocnyja boli i rezi ŭ žyvacie. Na nastupny dzień jon skazaŭ, što fizična nie moža siadzieć na sudovym pasiadžeńni.
Aŭtuchovič za čas haładańnia mocna asłabieŭ, abiazvodžany, u jaho pierasochli vusny i jazyk, ad jaho išoŭ mocny pach acetonu.
U sudzie pierapynak da paniadziełka.
Mikoła Aŭtuchovič patrabuje svaim haładavańniem tolki adnaho — kab jamu pačali pieradavać listy ad svajakoŭ i inšych ludziej. Niadaŭna abarvałasia listavańnie navat sa staroj maci.
Aŭtuchovič — biełaruski rekardsmien u turemnym haładavańni. U 2009 hodzie jon haładavaŭ 90 dzion, u 2005—2006 — 74 dni. Pry hetym jon piŭ vadu. U 2013 hodzie jon na znak pratestu parezaŭ sabie žyvot u turmie.
Mikołu Aŭtuchoviču 59 hadoŭ, jon vieteran vajny ŭ Afhanistanie, vaŭkavyski pradprymalnik i hramadki aktyvist. Za kratami jon bolš jak paŭtara hoda. Usiaho ŭ «spravie Aŭtuchoviča» sudziać 12 čałaviek. Heta treciaje jahonaje haładańnie
Ciapier čytajuć
Achova i dziasiatki ludziej u kamandzie: za što žyvie Ofis Cichanoŭskaj u Vilni?12
Kamientary