Paśla pačatku vajny va Ukrainie zahinuła 5237 mirnych žycharoŭ, jašče 7035 atrymali ranieńni. Takija danyja pradstavili va ŭpraŭleńni Viarchoŭnaha kamisara AAN pa pravach čałavieka.
Siarod zabitych — 2019 mužčyn, 1379 žančyn, 143 dziaŭčynki i 164 chłopčyki. Poł jašče 41 dziciaci i 1491 darosłaha pakul ustanavić nie ŭdałosia. Pavodle statystyki, bolš za ŭsio ludziej zahinuła ŭ sakaviku (3120). Z 1 pa 24 lipienia było zafiksavana 285 śmierciaŭ.
Bolš za ŭsio vypadkaŭ hibieli cyvilnych AAN zafiksavała ŭ Łuhanskaj i Danieckaj abłaściach. Na terytoryi, padkantrolnaj ukrainskamu ŭradu, byli zabityja 2848 mirnych žycharoŭ, jašče 2820 paciarpieli. U tych nasielenych punktach, jakija kantralujuć rasijskija vajskoŭcy i ŭłady «DNR» i «ŁNR», zahinuŭ 241 čałaviek, jašče 940 byli paranienyja.
U inšych rehijonach Ukrainy, u pryvatnaści, u Kijevie, a taksama ŭ Čarkaskaj, Čarnihaŭskaj, Charkaŭskaj, Chiersonskaj, Kijeŭskaj, Mikałajeŭskaj, Adeskaj, Sumskaj, Zaparožskaj, Dnieprapiatroŭskaj, Pałtaŭskaj, Rovienskaj, Vińnickaj i Žytomirskaj abłaściach, AAN paćvierdziła 2148 vypadkaŭ hibieli mirnych žycharoŭ.
Zahinuŭ biełaruski dobraachvotnik Vasil «Dzir» Rapicki11
Kamientary