Amierykanski hienierał: Situacyja ŭžo značna źmianiajecca na karyść Ukrainy, a nastupleńnie ź Biełarusi ciapier vielmi małavierahodnaje

— Nakolki vierahodna, što aktyŭnaja faza bajavych dziejańniaŭ praciahniecca navat zimoj?

— Ja miarkuju, što kali Zachad/ZŠA praciahnuć pastaŭlać usio abiacanaje bolš chutkimi tempami, to tady ŭkrainskija siły zmohuć adsunuć rasijskija vojski da linii 23 lutaha da kanca hetaha hoda. Situacyja ŭžo značna źmianiajecca na karyść Ukrainy. Ja čakaju, što aktyŭnyja bajavyja dziejańni buduć praciahvacca i zimoj. Ukraina, vierahodna, zachoča praciahvać cisk na rasijskija siły, jakija, ja liču, źniasilenyja… I rasijskaja sistema łahistyki asabliva źniasilenaja.

— Uličvajučy biahučuju dynamiku bajavych dziejańniaŭ, ci zmohuć USU adbić poŭdzień krainy i abmiežavać teatr vajennych dziejańniaŭ Danbasam?

— Ja ŭpeŭnieny, što jany mohuć zrabić heta, pry ŭmovie, što my, Zachad, praciahniem dastaŭlać usio, što my paabiacali. Kluč da hetaha — bolš dalnabojnaj zbroi, a taksama dapamoha z palapšeńniem łahistyčnych sietak unutry Ukrainy… Mahčyma, pryciahnuć kamiercyjnuju łahistyčnuju kampaniju z ZŠA ci Vialikabrytanii?

— Kali rasijskamu vojsku ŭsio ž udasca zachapić uvieś Danbas, ci moža vajna pierajści ŭ «bolš chałodnuju» fazu?

— Ja miarkuju, pad «chałodnaj fazaj» vy razumiejecie pat ź mienš aktyŭnymi bajavymi dziejańniami? Ja nie dumaju, što Ukraina dazvolić abo pavinna dazvolić hetamu zdarycca… Heta vyhadna tolki Rasii.

— Nakolki prablematyčnym budzie nastup u zimovych umovach jak dla ŭkrainskich, tak i dla rasijskich vojskaŭ?

— Heta budzie zaležać ad taho, u kaho lepš budzie łahistyka. Ja dumaju, va Ukrainy.

— Ci jość ryzyka, što palityčnaja niestabilnaść razam z enierhietyčnym i ekanamičnym kryzisam na Zachadzie bližej da zimy asłabiać pazicyi «jastrabaŭ», jakija prašturchoŭvajuć akazańnie bolšaj dapamohi Ukrainie?

— Voś na što i raźličvaje Kreml — što zachodnija ŭrady paddaducca cisku padvyšanych koštaŭ na haz i h. d. Ale ja nie dumaju, što heta dadzienaść. I ja čakaju, što škoda ekanomicy Rasii i jaje ŭłasnamu nasielnictvu bolšaja, čym jany paviedamlajuć ci što my bačym. Ja nie dumaju, što Pucin maje manalitnuju, biaskoncuju padtrymku naroda.

— Nakolki vialikija ryzyki taho, što rasijskija vojski znoŭ raspačnuć sprobu naziemnaha nastupleńnia (zimoj ci bližej da zimy) praz terytoryju Biełarusi?

— Ja liču heta vielmi małavierahodnym. Ja nie dumaju, što ŭ ich jość łahistyka abo žyvaja siła, kab heta zrabić. I nie ŭpeŭnieny, što navat Łukašenka padtrymlivaje takuju ideju. I ja nie vieru, što biełaruskaje nasielnictva i infrastruktura buduć mocna hetamu spryjać. Niezaležna ad hetaha, zachodniaja i ŭkrainskaja raźviedka vyjaviać takoje naroščvańnie siłaŭ zadoŭha da taho, jak jaho možna budzie vykarystoŭvać dla novaha nastupleńnia.

• 47
• 0
• 3
• 1
• 2
• 0
• 4
• 0