Jak pasmažyć šašłyki na pryrodzie i nie ŭlacieć na štraf?
Napieradzie jašče miesiac leta z sustrečami ź blizkimi na śviežym pavietry. Jak nie pryciahnuć niepryjemnaści na ahaniok vašaha manhała, raskazvaje «Ekadom».
«Źbirajučysia adpačyć na pryrodzie, majcie na ŭvazie, što pa zakonie raźviadzieńnie vohnišča, u tym liku z ustanoŭkaj manhała abo barbiekiu, dapuskajecca tolki pry jaho raźmiaščeńni na abstalavanych placoŭkach, — adrazu adznačajuć ekołahi. — Bolš za toje, pa praviłach, hleba navokał vohnišča pavinna być vyčyščanaja da minieralnaha płasta na šyryniu nie mienš za 25 santymietraŭ. Heta robicca dla taho, kab paźbiehnuć vierahodnaści pažaraŭ ad vypadkovaha zaharańnia travy ci łamačča».
Pakłapaciciesia pra toje, kab pobač z vašym vohniščam abaviazkova byli srodki pažaratušeńnia. Dla hetaha padydzie vohnietušyciel albo niejkaja jomistaść z vadoj. Paśla taho, jak prysmaki pryhatavalisia, vohnišča nieabchodna patušyć da poŭnaha spynieńnia tleńnia, zaliŭšy vuholle.
«U pažaraniebiaśpiečny siezon Pastanova Saŭmina № 722 zabaraniaje raźviadzieńnie vohniščaŭ na tarfianikach i ŭ miescach vyrubki drevaŭ, u lasach-maładniakach i siarod maładych chvojnych dreŭcaŭ vyšynioj mienš za mietr, krony jakich nie dakranajucca, — praciahvajuć ekśpierty. — Nie zapalvajcie vohniščy ŭ miescach z padsochłaj travoj dy łamaččam. Va ŭsich hetych miescach vierahodnaść vypadkova ŭčynić pažar vyšejšaja za zvyčajnuju».
Parušeńni vyšejzhadanych pravił mohuć pryvieści da adkaznaści pavodle artykuła 16.41 KoAP. Tak, za raźviadzieńnie vohniščaŭ u zabaronienych miescach možna atrymać štraf da 12 bazavych vieličyń (384 rubli), a za parušeńnie patrabavańniaŭ pa zabieśpiačeńni pažarnaj biaśpieki ŭ lasach abo na tarfianikach zhodna z artykułam 16.21 KoAP — da 12 bazavych vieličyń pry adsutnaści škody i da 30 bazavych vieličyń (960 rubloŭ) pry źniščeńni abo paškodžańni lesu ci tarfianikaŭ.
Jašče adna mažlivaść vypadkova nalacieć na štraf — niapravilnaja narychtoŭka drovaŭ dla vašaha manhała. Pavodle Lasnoha kodeksa, samastojnaja narychtoŭka droŭ zabaronienaja, navat kali heta łamačča, suchastoj abo burałom.
«Heta nie niejkaje samadurstva, jak moža padacca. Pryčyna ŭ tym, što pavalenyja, paškodžanyja dy suchastojnyja drevy — važnaja častka naturalnaha asiarodździa dla žyvioł u lesie. Jany krynica mikraelemientaŭ dla padtrymańnia bijaraznastajnaści, — tłumačać u «Ekadomie». — Tamu narychtavać draŭninu na ŭčastkach lasnoha fondu možna za płatu i na padstavie ordera ŭ śpiecyjalna vyznačanych miescach».
Za niezakonnuju rubku, paškodžańnie abo źniščeńnie raślinnaści pavodle artykuła 16.17 KoAP praduhledžanyja štrafy da 20 bazavych vieličyń (640 rubloŭ), a ŭ pryrodaachoŭnych, rekreacyjna-azdaraŭlenčych i achoŭnych lasach — ad 5 da 30 bazavych vieličyń (960 rubloŭ).
Ale łamačča nie varta błytać z łapnikam i hallom, zbor jakich nie abmiežavany. Jany stanuć idealnaj asnovaj dla vohnišča biez škody pryrodzie.
Kali ž u vas zastalisia pytańni, vy možacie zadać ich naŭprost słužbie biaspłatnych kansultacyj pa vyrašeńni ekaprablem «Zialony telefon» pa telefonie ci praz sacsietki.
-
«Heta nie majo, heta siabra». Biełarus zdymaje reakcyju achoŭnikaŭ mietro na fałaimitatary ŭ zaplečniku — videa źbirajuć miljony prahladaŭ
-
Siem typaŭ «pjanaj asoby»: kim vy stanoviciesia pad uździejańniem ałkaholu i što heta aznačaje?
-
U San-Francyska žyvie kot, jakoha zavuć Biełaruś. Prytym haspadynia jaho — zvyčajnaja amierykanka
Kamientary