5 – 500 hadoŭ (1506) z času Kleckaj bitvy pamiž vojskam VKŁ na čale ź Michałam Hlinskim i vojskam krymskich tatar. Pieršaja vialikaja pieramoha nad krymskimi tatarami.
11 – 150 hadoŭ z dnia naradžeńnia etnohrafa Ŭładzimiera Dabravolskaha (1856–1920), jaki daśledavaŭ žyćcio biełarusaŭ Smalenščyny, ukłaŭ «Smalenski abłasny słoŭnik».
15 – Pračystaja ŭ katalikoŭ.
15 – 175 hadoŭ z dnia naradžeńnia paeta j žurnalista Vincesia Karatynskaha (1831–1891), sakratara Ŭładzisłava Syrakomli.
15 – 75 hadoŭ z dnia naradžeńnia znakamitaha dermatavenerolaha j bijachimika Mikałaja Jahoŭdzika.
19 – Jabłyčny Spas u pravasłaŭnych.
19 – 175 hadoŭ z dnia naradžeńnia Zyhmunta Čachoviča (1831–1907), udzielnika paŭstańnia 1863 h. Byŭ asudžany na 12 hadoŭ katarhi. Pa viartańni žyŭ u majontku Biasiady (ciapier Łahojski rajon), dzie ź im paznajomiŭsia i karystaŭsia jahonaj vialikaj biblijatekaj małady Janka Kupała.
20 – 50 hadoŭ z dnia naradžeńnia zasłužanaha trenera Valerja Babuka (hiravy sport, armrestlinh, paŭerliftynh).
21 – 75 hadoŭ z dnia naradžeńnia litaraturaznaŭcy Julii Kane (1931). Daśledavała praktyčna ŭsiu pavajennuju litaraturu. U 1991 h. vyjechała ŭ Izrail, paśla čaho kantakty ź joj pierapynilisia.
21 – 100 hadoŭ z dnia naradžeńnia piśmieńnika Makara Paśladoviča (1906–1984).
21 – 225 hadoŭ (1781) z dnia atrymańnia hierbu Drysaj (ciapier Vierchniadźvinsk).
27 – 100 hadoŭ z dnia naradžeńnia paeta, muzyki Siarhieja Novika-Piejuna (1906–1994), aŭtara słavutych «Zoračak». Za svajo žyćcio paet paśpieŭ pabyć viaźniem u polskich, savieckich i nacysckich kanclahierach.
28 – Spleńnie (Pračystaja) u pravasłaŭnych.
29 – 250 hadoŭ z dnia naradžeńnia filozafa, matematyka j astranoma Jana Śniadeckaha (1756–1830), rektara Vilenskaha ŭniversytetu, dyrektara Vilenskaj astranamičnaj abservatoryi (1806–1825).
