Hałoŭny monstr 2022 hoda: chto taki Chahi Vahi, ad jakoha ŭsie fanaciejuć?
Hetaja cacka ź nie nadta pryvabnym vidam nabyła papularnaść siarod dziaciej ŭ pačatku hetaha hoda i nie sychodzić u cień dahetul. Raźbirajemsia, što viadoma pra siniaha monstra.
Chahi Vahi — heta piersanaž chorar-hulni Poppy Playtime. Pa siužecie hulni hałoŭny hieroj, eks-supracoŭnik fabryki cacak Playtime Co., vyrašaje rasśledvać tajamničaje źniknieńnie kaleh. Dla hetaha jon nakiroŭvajecca na tuju samuju fabryku i chodzić pa zakinutych pamiaškańniach, sprabujučy adnavić karcinu padziej.
Kali hieroj adčyniaje dźviery ŭ viestybiul fabryki, jon sustrakaje tam Chahi Vahi. Pa fihury hetaja istota krychu padobnaja da čałavieka, voś tolki jana maje sini miech, trochvuholnuju hałavu, vialikija čyrvonyja vusny i vielizarnuju ŭśmiešku ź niekalkimi radami zuboŭ.
Spačatku Chahi Vahi byŭ dobrazyčlivym, ale paśla avaryi na fabrycy źmianiŭ svoj nastroj. U hieroja atrymlivajecca adnavić padaču enierhii na panel kiravańnia, i paśla hetaha sini monstr pačynaje za im haniacca. Kali nie paśpieješ vyratavacca, Chahi Vahi złović ciabie i źjeść, i nie zabudzie pierad hetym šyroka ŭśmichnucca, kab pakazać svaje vostryja zuby. Varta bierahčysia abdymkaŭ Chahi Vahi, bo ŭ jaho jany śmiarotna niebiaśpiečnyja.
Pieršaja hłava hulni vyjšła ŭ kastryčniku 2021 hoda, praciah čakajuć u hetym hodzie. Ale sini monstr užo pajšoŭ u narod — nastolki, što jaho vobraz abrastaje novymi detalami. Naprykład, tyktokiery prydumali dla Chahi Vahi raman ź inšym monstram, padobnaj da jaho, tolki ružovaj Kisi Misi (inšyja miarkujuć, što jana — mama ci siastra Chahi Vahi). U pieršaj hłavie Poppy Playtime možna pabačyć vyjavu Kisi Misi na ścienach fabryki, ale jaje samu pakul što nam nie pradstavili.
Watch on TikTok
Watch on TikTok
Dziŭnaja cacka atrymała vialikuju papularnaść siarod dziaciej i padletkaŭ. Chahi Vahi ŭ formie miahkaj cacki skupajuć pa ŭsim śviecie, jak i jaho siabroŭ: akramia Kisi Misi, u sieryi jość roznakalarovy Lili Mili, aranžavy Van Pank, šery Hrys Vis, čyrvony Skary Łary i navat zialony Sili Bili.
U asnoŭnym Chahi Vahi raskrucili strymiery kampjutarnych hulniaŭ, ale sapraŭdnaj zorkaj istota stała ŭ tyktoku. Videa z hetym sinim monstram nabirajuć šmat prahladaŭ, a sam Chahi Vahi ŭžo staŭ hierojem mnostva miemaŭ.
Pieršy ź ich — fraza «U nas źnik sini Chahi Vahi». Jana prahučała ŭ videa jutubiera Skorci, jaki prachodziŭ hulniu GTA V z modam, što dazvalaŭ dadavać u jaje Chahi Vahi roznaha koleru. Skorci pramaŭlaŭ jaje, kali sini Chahi Vahi zharaŭ na vohniščy. Tyktokiery ž pačali vykarystoŭvać hetyja słovy, kali žadajuć raskazać pra maksimalna vialikaje rasčaravańnie.
Skorci i jaho videa dali pačatak jašče dvum miemam pra Chahi Vahi. Pieršy ź ich — słovy «Da ładna, hladzi! Heta babula Chahi Vahi». Skorci pramoviŭ ich, kali znajšoŭ u adnoj z łakacyj hulni pavialičanuju kopiju Chahi Vahi, na jakoj byli ružovyja akulary, i vyrašyŭ, što heta babula monstra. Zaraz ža ich vykarystoŭvajuć, kab raspavieści pra «staramodnyja» jakaści maładych ludziej — naprykład, pra luboŭ da viazańnia ci mieteazaležnaść.
Jašče adzin miem ad Skorci hučyć tak: «Afihieć, našamu Chahi Vahi tysiača hadoŭ». Pramaŭlajuć jaho, kab raspavieści pra roźnicu va ŭzroście i toje, jak časam chutka lacić čas.
Watch on TikTok
Šmat chto zrazumieje miem «Da chto taki hety vaš Chahi Vahi». Pačuć jaho možna ŭ rolikach, dzie darosłyja tyktokiery dziviacca lubovi dziaciej da siniaha monstra i raskazvajuć, jak nie paśpiavajuć za novymi trendami.
Watch on TikTok
Fanaty Chahi Vahi z tvitara nie adstajuć ad tyktokieraŭ. Voś niekalki prykładaŭ taho, jak u hetaj sacsietcy zhadvajuć siniaha monstra i miemy ź im:
Niet niet niet.. Sinij Chahi Vahi... On shorieł, počiernieł...
— †ohniedyšaŝij tapok† (@_Shon_Fresto) August 3, 2022
Śnimał s bočki ržavčinu nazyvajetsia... pic.twitter.com/DEGZTwoQX1
Chahi vahi nietnietniet brat on shorieł, počiernieł pic.twitter.com/0iDkswlqoi
— Sasha Gav (@ganvvie) July 29, 2022
o moj boh, našiemu chahi vahi tyŝa let. #MojaHodovŝinaVTvittierie pic.twitter.com/17vMeVPDc8
— katievana (@katevaan) August 1, 2022
Siejčas 3-letnije dieti:
— ATLANT (@kg_atlant) July 26, 2022
— Kimi misi, Chahi vahi. https://t.co/aFWj90m8JM
NIET NIET CHAHI VAHI ON SHORIEŁ POČIERNIEŁ(((
— Šutniara (@JaketheCourier) August 1, 2022
A voobŝie kłassno koniečno, mašina otjezdiła dobrosoviestno honku, a potom takaja «A hori ono vsio!» pic.twitter.com/Koj8oI7dei
Papularnaść Chahi Vahi vyklikaje ŭ niekatorych darosłych zaściarohu. Naprykład, viasnoj 2022 hoda palicyja i supracoŭniki brytanskich škoł papiaredžvali baćkoŭ, što ich dzieci mohuć hladzieć u siecivie roliki z Chahi Vahi zmročnaha charaktaru. Imia Chahi Vahi ŭtvoranaje ad brytanskaha hug (abdymacca), tamu hetaha piersanaža ciažka «zapadozryć» u drennym upłyvie na dziaciej. Ale baćkoŭ pužaje jak źniešnaść Chahi Vahi i jaho charaktar, tak i toje, što im amal niemahčyma daviedacca, ci hladzić ich dzicia videa z hetaj istotaj.
U lubym vypadku, psichołahi rekamiendujuć nie kuplać Chahi Vahi dla dziaciej va ŭzroście 4-6 hadoŭ, bo niezvyčajnaja cacka moža napužać takoje dzicia, navat kali ŭ samym pačatku jano heta nie ŭśviedamlaje. Što da starejšych dziaciej, to im Chahi Vahi naŭrad ci naniasie psichałahičnuju traŭmu.
«Naša Niva» — bastyjon biełaruščyny
PADTRYMAĆ
Kamientary