ISW: Rasijskija ŭłady paskarajuć padrychtoŭku da psieŭdarefierendumaŭ
Supraciŭ žycharoŭ Ukrainy prymusiŭ akupacyjnyja ŭłady pastajanna mianiać płany praviadzieńnia refierendumu. Raniej płanavałasia pravieści «adziny dzień hałasavańnia», ale ciapier razhladajecca mahčymaść siamidzionnaha «hałasavańnia z domu», padčas jakoha ŭzbrojenyja rasijskija vajskoŭcy buduć chadzić pa damach i «apytvać» hramadzian.
Prybraŭšy mahčymaść vočnaha hałasavańnia i pierajšoŭšy da apytańniaŭ pa damach, rasijskija ŭłady pašyrajuć svaje mahčymaści dla pramoha zapałochvańnia nasielnictva, što robić praktyčna niemahčymym luboje niezaležnaje nazirańnie za hałasavańniem, adznačajuć ekśpierty amierykanskaha Instytuta vyvučeńnia vajny (ISW).
Daradca kiraŭnika Chiersonskaj abładministracyi Siarhiej Chłań adznačyŭ, što akupacyjnyja ŭłady nie całkam padrychtavali ŭmovy dla praviadzieńnia refierendumu i paskarajuć padrychtoŭku paśla trochtydniovaj paŭzy, jakuju čynoŭnik tłumačyć udarami ŭkrainskich HIMARS pa rasijskim tyłavym zabieśpiačeńni.
Chłań paviedamiŭ, što papiaredniaj dataj praviadzieńnia refierendumu zastajecca 11 vieraśnia. Ale ŭsio moža pamianiacca ŭ zaležnaści ad dziejańniaŭ USU.
Prezident Ukrainy Uładzimir Zialenski napiaredadni zajaviŭ, što kali Rasija pačnie pravodzić refierendumy na akupavanych terytoryjach, nijakich pieramovaŭ ź joj Kijeŭ vieści nie budzie.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu3
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary