«Bolš za 79% tych, chto znachodzicca ŭ vyšuku, vyjechali za miažu». HUBAZiK padvioŭ vyniki dvuch hadoŭ represij
U Biełarusi 58 hrup hramadzian pryznanyja ekstremisckimi farmavańniami, 448 čałavieki trapili ŭ śpis tych, chto maje dačynieńnie da ekstremisckaj dziejnaści. Namieśnik načalnika Hałoŭnaha ŭpraŭleńnia pa baraćbie z arhzłačynnaściu i karupcyjaj MUS Biełarusi Michaił Biedunkievič 9 žniŭnia ŭ «SB» padvioŭ vyniki dvuchhadovaha padaŭleńnia pratestaŭ u krainie.
Bolšaść złačynstvaŭ «pratesnaj nakiravanaści», kaža Biedunkievič, «ździejśnienyja z vykarystańniem internetu». U 2020-2021 hadach było 58% takich «złačynstvaŭ», a ŭ 2022 hodzie — 83%.
Ekstremisckimi farmavańniami z 2021 hoda siłavyja struktury pryznali 58 hrup hramadzian. U «pieralik hramadzian Respubliki Biełaruś, zamiežnych hramadzian abo asob biez hramadzianstva, jakija majuć dačynieńnie da ekstremisckaj dziejnaści» ŭniesienyja danyja pra 448 asob.
372 internet-resursy pryznali «ekstremisckimi materyjałami».
U toj ža čas ustanoŭlena tolki 160 uładalnikaŭ i administrataraŭ «destruktyŭnych» tielehram-kanałaŭ. Pra toje, kolki ź ich byli pryciahnutyja da adkaznaści, — nie paviedamlajecca.
«U vyniku praviedzienaj pracy zafiksavana amal 500 tysiač adpisak ad asnoŭnych destruktyŭnych telehram-kanałaŭ», — paviedamlaje Biedunkievič.
«Na žal, śpiecyjalnaja vajennaja apieracyja va Ukrainie pasłužyła šturškom dla rostu kolkaści padpisčykaŭ u mnohich tielehram-kanałach, u tym liku i destruktyŭnaj skiravanaści. Adnak padpisčykam nie varta zabyvać, što ŭsie destruktyŭnyja telehram-kanały i internet-resursy pa-raniejšamu znachodziacca pad kantrolem biełaruskich siłavikoŭ», — dadaje jon.
Biedunkievič zapeŭnivaje, što siłavikami ŭstanoŭlena bolš za 100 udzielnikaŭ farmavańnia BYPOL, jakija «dystancyjna, z dapamohaj internetu, prajšli sumoŭje i atrymali indyvidualnyja zadańni ad pradstaŭnikoŭ ekstremisckaha farmavańnia Mabilizacyjny płan «Pieramoha» z metaj arhanizacyi dyviersij i terarystyčnych aktaŭ na terytoryi Respubliki Biełaruś».
Za dva hady, pavodle infarmacyi Biedunkieviča, siłaviki vyjavili «jak minimum 12 rezanansnych faktaŭ finansavańnia ekstremisckaj dziejnaści na terytoryi našaj krainy».
«Značnaja častka asob, jakija ŭčynili nazvanyja złačynstvy, znachodziacca pa-za miežami krainy. Zvyš 79% z tych, što znachodziacca ŭ vyšuku, vyjechali za miažu», — kanstatuje Biedunkievič.
Iljaš: My pavinny pryznać, u 2020-m u biełarusaŭ nie było nivodnaha šancu. Ciapier jany źjaŭlajucca
«Zaraz my ciabie ŭ aŭtazak da tłustych zakiniem». Jak skłałasia historyja maładzionaŭ sa strašnaha fota, jakoje ablacieła ŭsiu krainu
Dva hady paśla vybaraŭ-2020. Pra što varta pamiatać
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary