Dva filmy vytvorčaści biełaruskaha niezaležnaha telekanału «Biełsat» voźmuć udzieł u bierlinskim fiestyvali «Prix Europa».
Dva filmy vytvorčaści biełaruskaha niezaležnaha telekanału «Biełsat» voźmuć udzieł u bierlinskim fiestyvali «Prix Europa».
Žury adnaho z najvažniejšych forumaŭ dla radyjo- i teležurnalistaŭ Jeŭropy vybrała biełaruskija filmy, u liku 33 inšych, da ŭdziełu ŭ konkursie ŭ katehoryi «televizijny dakumientalny film».
«Śviata na našaj vulicy» — stužka, jakuju źniaŭ režysior, što pracuje pad tvorčym psieŭdanimam Adam Halin.
Sučasnaja Biełaruś u filmie pakazvajecca ź pierśpiektyvy typovaha mienskaha dvara. Tut na kožnaje sa śviataŭ — a ich u našaj krainie šmat — razmaŭlajuć, pjuć, śpiavajuć, tančać, spračajucca, bjucca, vyklikajuć chutkuju dapamohu, špacyrujuć ź dziećmi, jaduć i znoŭ pjuć, śpiać (časta pad łaŭkaju) i znoŭ pjuć žychary internataŭ adnoj ź mienskich fabryk.
Pobač sa «Śviatam na našaj vulicy», siarod filmaŭ jakija sioleta pazmahajucca za prestyžnuju ŭznaharodu, jość jašče adna stužka, stvoranaja z udziełam pieršaha niezaležnaha telekanału.
Film «Rabinzony Mantsinsaary», jaki «Biełsat» źniaŭ u supracy sa svajmi partniorami ź Niamieččyny, Finlandyi dy Francyi, raspaviadaje pra dvuch niemaładych užo mužčynaŭ, jakija žyvuć na apuściełym vostravie na Ładažskim voziery. Adzin ź ich — biełarus Klunia, a druhi — fin Maci. Jany žyvuć va ŭzajemnaj varožaści.
Pryčyna ŭ tym, što da II suśvietnaje vajny vostraŭ Mantsinsaary na Ładažskim voziery naležaŭ Finlandyi. Finy žyli tut zaŭsiody, lubili svaju pryrodu, lasy. Ale paśla vajny vostraŭ byŭ zasieleny hramadzianami Savieckaha Sajuzu, adnym ź ich byŭ biełaruski laśnik Klunia. Adnojčy jon trapiŭ u pastku, nibyta pastaŭlenuju susiedam. Z hetaha i pajšła niapryjaź. Maci nie ličyć siabie brakańjeram. U jaho typova finski charaktar: jon cichi i spakojny, ludziej da siabie nie dapuskaje. Biełarus zusim inšy: viasioły, artystyčny, z adkrytaju dušoju. Na vostravie jon stvaryŭ svoj ułasny śviet, ułasnuju krainu. Jon i raspaviadaje historyju dvuch narodaŭ i hetaj vyspy.
Štohod u fiestyvali ŭ niamieckaj stalicy ŭdzielničajuć aŭtary sotniaŭ jakasnych filmaŭ i prahramaŭ z usiaho Staroha śvietu. Sioleta 23-ci «Prix Europa» projdzie z 17 da 24 kastryčnika.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski13
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary