«Enierhaatam»: Upieršyniu ŭ historyi adbyłosia poŭnaje adklučeńnie ad sietki Zaparožskaj AES
Jak śćviardžajecca ŭ paviedamleńni ŭkrainskaha «Enierhaatama», siońnia z-za pažaraŭ na popiełaadvałach Zaparožskaj CES, raźmieščanaj pobač z ZAES, dvojčy adklučałasia čaćviortaja i apošniaja linija suviazi ZAES z enierhasistemaj Ukrainy. Try inšyja linii suviazi byli paškodžanyja ŭ vyniku rasijskich abstrełaŭ.
U vyniku dva enierhabłoki stancyi, jakija ciapier pracujuć, adklučylisia ad sietki. Adbyłosia pieršaje ŭ historyi poŭnaje adklučeńnie ZAES ad enierhasietki, i ciapier viaducca puskavyja apieracyi pa padklučeńni adnaho ź ich nazad, zajavili ŭ «Enierhaatamie».
Raniej na akupavanych terytoryjach Chiersonskaj i Zaparožskaj abłaściej uźnikli pieraboi z elektryčnaściu. Padkantrolnyja Rasii ŭłady rehijonaŭ nazvali pryčynaj karotkaje zamykańnie praz pažar, vyklikany abstrełam z boku USU.
U svaju čarhu, abrany mer horada Enierhadara Dźmitryj Arłoŭ źviazaŭ pieraboi ŭ pastaŭkach elektryčnaści i vady ŭ horadzie z abstrełami rasijskich vajskoŭcaŭ. Pavodle apošnich zajavaŭ akupacyjnych uładaŭ, enierhazabieśpiačeńnie na terytoryi Zaparožskaj vobłaści adnoŭlenaje, a ŭ Chiersonskaj vobłaści padaču elektraenierhii abiacajuć adnavić u najbližejšy čas.
-
«Vialikaja savieckaja armija pieramahaje maleńkuju savieckuju armiju». USU stali prajhravać na poli boju paśla viartańnia da starych praktyk
-
U 14 nasielenych punktach Danieckaj vobłaści abviaścili abaviazkovuju evakuacyju siemjaŭ ź dziećmi
-
Ukraina maje piać klučavych patrabavańniaŭ u ramkach urehulavańnia vajny
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju24
Kamientary