U Miensku adbyłosia pasiedžańnie palitrady abjadnanych demsiłaŭ

Palityčnaja rada abjadnanych demakratyčnych siłaŭ na svaim pasiedžańni ŭ Miensku abmierkavała farmat udziełu ŭ majučych adbycca vybarach u miascovyja saviety, a taksama metazhodnaść praviadzieńnia Kanhresu demakratyčnych siłaŭ.

Palityki nie vyklučajuć, što data miascovych vybaraŭ budzie pryznačana ŭžo ŭ žniŭni, bo, jak miarkujecca, ułady raźličvajuć pravieści kampaniju daterminova, u spakojnaj sacyjalnaj abstanoŭcy. Lider abjadnanaj apazycyi Alaksandar Milinkievič, jaki staršyniavaŭ na palitradzie, ličyć za lepšaje vystavić ad abjadnanaj apazycyi pa adnym kandydacie na akruhu.

(Milinkievič: ) «Kali kaalicyja zdolna pracavać razam, to treba abjadnacca j pracavać na adnaho čałavieka. Vystaŭlać niekalki kandydataŭ – paprostu naładžvać treninh dla aktyvistaŭ. A my ž nia hetym zajmajemsia. Vyjhrać vybary ŭsio roŭna niemahčyma, a možna tolki pryjści da ludziej. Tamu heta prapahandysckaja, ahitacyjnaja kampanija, kampanija baraćby sa stracham».

Spadar Milinkievič ličyć vielmi važnym prasoŭvańnie ŭ abłasnyja Saviety j Mienski haradzki ad abjadnanych demsiłaŭ pa adnym kandydacie.

(Milinkievič: ) «Darečy, nia tak mnoha ludziej u nas, jakija samaachviarna pojduć. Kab užo takaja vialikaja kankurencyja była! U krainie ž 24 tysiačy akruhaŭ. Dla mianie pytańnie vyhladaje vielmi prostym: skancentravać vysiłki, resursy ludzkija j finansavyja na adnym kandydacie j dobra na jaho papracavać».

Staršynia AHP Anatol Labiedźka vykazvajecca za toje, kab abjadnanaja apazycyja mieła mahčymaść vystavić niekalkich kandydataŭ na akruhu.

(Labiedźka: ) «Ja dumaju, što heta palityčnaja kampanija. Tamu dla nas, dla AHP, tut nie isnuje prablemy. Treba ŭličvać, što kiravać usimi kankurentnazdolnymi pretendentami ad demakratyčnaha lahieru budzie składana. Ale ŭsio roŭna ludzi pojduć. Dyk lepš papracavać ź imi, kab ichnyja ŭlotki ŭtrymlivali ahulny mesydž».

Spadar Labiedźka prezentavaŭ na palitradzie pazycyju źjezdu AHP adnosna praviadzieńnia kanhresu demsiłaŭ. Jon ličyć: pierš čym prymać rašeńni ŭ hetym pytańni, treba paraicca z samimi ŭdzielnikami kanhresu.

(Labiedźka: ) «My ŭžo zhubili čas, my zhubili dynamiku z hetym mierapryjemstvam. Jaho treba pravodzić zaležna ad taho, jakim budzie paradak dnia, jakija paŭstajuć aktualnyja pytańni».

Pavodle Alaksandra Milinkieviča, minuły kanhres pravodziŭsia na vysokim emacyjnym uzdymie, jakoha ciapier niama.

(Milinkievič: ) «Dla surjoznaha kanhresu treba mnoha času – jaho za paru miesiacaŭ nie praviadzieš. Kab vielmi terminova pravodzić kanhres, dla mianie pryčynaj moža być tolki adno – pahroza niezaležnaści Biełarusi».

Radyjo Svaboda

• 0
• 0
• 0
• 0
• 0
• 0
• 0
• 0