Azaranka pieramahła ŭkrainku na US Open, taja admoviłasia cisnuć joj ruku
Ukrainskaja tenisistka Marta Kaściuk admoviłasia pacisnuć ruku pradstaŭnicy Biełarusi Viktoryi Azaranka paśla hulni ich pamiž saboj u druhim kruzie Adkrytaha čempijanata ZŠA (US Open). Matč doŭžyŭsia 1 hadzinu 29 chvilin i zaviaršyŭsia pieramohaj biełaruskaj spartsmienki ź likam 6:2, 6:3.
Pa tradycyi paśla matču tenisistki cisnuć adzin adnamu ruku ci abdymajucca, adnak Kaściuk (65-ja rakietka śvietu) admoviłasia heta rabić. Jana prapanavała Azarancy abmianiacca dotykami rakietak, na što taja spakojna adkazała zhodaj. Razam z tym ukrainka pacisnuła ruku sudździ na vyšcy.
33-hadovaja Viktoryja Azaranka — byłaja pieršaja rakietka śvietu. Ciapier zajmaje 26-je miesca ŭ rejtynhu WTA. U trecim kruzie turnira Azaranka zhulaje suprać charvatki Pietry Marcič (54-y numar rejtynhu WTA).
U kancy žniŭnia Azaranku vyklučyli ź liku ŭdzielnikaŭ dabračynnaha turniru ŭ padtrymku Ukrainy, jaki prachodziŭ u ZŠA napiaredadni US Open. Hetaha ŭdałosia damahčysia dziakujučy dziejańniam ukrainskaha boku.
Čytajcie taksama:
Azaranku adchilili ad udziełu ŭ turniry ŭ padtrymku Ukrainy
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary