«Ja chaču vyhnać svałatu z našaj ziamli». U śpis pretendentaŭ na «Oskar» ad Ukrainy trapiŭ jašče adzin film
Spačatku na «Oskar» ad Ukrainy byŭ vyłučany tolki adzin film — «Kłandajk», jaki raskazvaje historyju siamji, što apynułasia ŭ epicentry avijakatastrofy rejsa MH17 u Danieckaj vobłaści. Ale ciapier u śpis filmaŭ, jakija buduć pradstaŭlenyja ad Ukrainy, dadałasia jašče adna stužka. Heta film režysiora Marjana Bušana «Snajpier. Bieły krumkač», paviedamlaje «UP» sa spasyłkaj na ŭkrainski oskaraŭski kamitet.
Jak raspaviali ŭ kamitecie, z-za techničnych momantaŭ, jakija nie zaležać ad arhanizataraŭ, film «Snajpier. Bieły krumkač» spačatku nie trapiŭ u śpis, adnak stužka adpaviadaje ŭsim techničnym patrabavańniam, tamu paśla paŭtornaj detalovaj pravierki jaje dadali ŭ pieralik kandydataŭ na prestyžnuju kinapremiju.
Film Bušana zasnavany na realnych padziejach i raspaviadaje pra ekapasialenca i pacyfista z Danieččyny, jaki da viasny 2014 hoda žyŭ u samarobnaj ziamlancy, udalečyni ad ludziej. Adnak akupanty zachapili jaho ziamlu i zabili žonku, paśla čaho mužčyna vyrašyŭ pomścić.
U hieroja jość realny pratatyp — Mikałaj Varonin z Horłaŭki, jaki taksama byŭ ekscentryčnym ekaaktyvistam, a potym staŭ adnym z «kibarhaŭ» i abaraniaŭ Daniecki aeraport.
Hałoŭnuju rolu ŭ filmie vykanaŭ Pavieł Ałdošyn, jaki ciapier taksama padpisaŭ kantrakt i abaraniaje Ukrainu.
Što pahladzieć. «Pacyjent» — zachaplalny i strašny tryler pra psichaterapiju
Što pahladzieć. «Hałasy za kadram» — izrailskaja kamiedyja pra savieckich mihrantaŭ, zroblenaja uradžencam Minska z paschałkaj dla biełarusaŭ
Bad Sisters. «Zmova siaścior Harvi» — čornaja kamiedyja
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?5
Kamientary