Patryjarch Maskoŭski: Niezaležnaść Biełarusi — «zaduma i Božaha promysłu»
Pry hetym jon nastojliva zaklikaŭ da zachavańnia adzinstva Pravasłaŭnaj carkvy.
Biełaruś — rodnaja dla nas ziamla, častka śviatoj histaryčnaj Rusi, zajaviŭ pa prylocie patryjarch.
25 vieraśnia pačaŭsia jahony pieršy vizit u Biełaruś u jakaści kiraŭnika Ruskaj pravasłaŭnaj carkvy (RPC), jaki budzie praciahvacca pa 28 vieraśnia.
Patryjarch zaznačyŭ, što prybyŭ u Biełaruś «ź vielmi lohkim sercam», «i jarkaje soniečnaje śviatło ŭ hety vosieński dzień» adpaviadaje jaho ŭnutranamu stanu.
«Ja prybyŭ u pieršuju čarhu dla taho, kab pakłanicca śviatyniam biełaruskaj ziamli, mieć mahčymaść razmaŭlać ź jepiskapatam, duchavienstvam i viernikami. Ja nadaju vialikaje značeńnie dyjałohu, jaki ŭ nas ustanaviŭsia, hutarcy z prezidentam Biełarusi i spadziajusia, što my praciahniem hetuju razmovu z Alaksandram Ryhoravičam.Spadziajusia na sustrečy z pradstaŭnikami hramadskaści, viedaju ab tym, što ŭ Viciebsku sa mnoju chacieła b sustrecca moładź», — skazaŭ kiraŭnik RPC.
«Prahrama dastatkova napružanaja, adnak u poŭnaj miery adpaviadaje maim žadańniam. Spadziajusia, što ŭ vyniku naviedvańnia Biełarusi ja šmat ubaču, daviedajusia, adčuju, što tak nieabchodna mnie jak patryjarchu ŭ maim słužeńni», — dadaŭ uładyka Kirył.
Jon zaznačyŭ, što Biełaruś — suvierennaja dziaržava, jakaja dastatkova dynamična raźvivajecca. Kiraŭnik RPC taksama nazvaŭ «vielmi vysokim» uzrovień adnosinaŭ carkvy i dziaržavy ŭ Biełarusi.
Jon pryznaŭ, što
«histaryčnaja Ruś padzielenaja na suvierennyja dziaržavy, tak zachacieŭ narod, i, musić, takaja zaduma i Božaha promysłu».Pry hetym jon nastojliva zaklikaŭ da zachavańnia adzinstva Pravasłaŭnaj carkvy. «Kali ŭśled za źjaŭleńniem suvierennych dziaržavaŭ budzie burycca adzinstva carkvy - ot tady my čynićmiem lichuju j Bohu niaŭhodnuju spravu».
25 vieraśnia patryjarch sustreŭsia z Alaksandram Łukašenkam, naviedaŭ minski Śviata‑Duchavy kafiedralny sabor, dzie adsłužyŭ nievialiki malebien, a taksama naviedaŭ razam z Łukašenkam chram‑pomnik u honar Usich Sśviatych, što budujecca. Tam jaho sustrakali kala 10 tysiač viernikaŭ, u tym navučencaŭ, sabranych z rajonnych škołaŭ.
Viečaram u Pałacy Respubliki projdzie ŭračysty viečar, padčas kiraŭnik RPC sustreniecca z navukovaj i tvorčaj intelihiencyjaj, pradstaŭnikami carkoŭnaj i śvieckaj hramadskaści. Zatym budzie dadzieny śviatočny kancert.
26 vieraśnia Uładyka Kiryła płanuje sustrecca z supracoŭnikami Minskaha jeparchijalnaha upraŭleńnia Biełaruskaj pravasłaŭnaj carkvy i naviedać Instytut teałohii BDU.
U toj ža dzień jon uskładzie vianok da manumienta na płoščy Pieramohi i naviedaje minski Dom miłasernaści.
Zatym patryjarch nakirujecca ŭ Połack,
dzie naviedaje Śviata‑Kryžaŭźvižanski chram Śviata‑Jeŭfrasińnieŭskaha žanočaha manastyra, dzie adpravić śviatočnuju ranišniuju słužbu i ździejniść čyn Uzvyšeńnia Kryža.
27 vieraśnia ŭ tym ža sabory ŭładyka Kiryła adpravić liturhiju, a zatym naviedaje sabor Śviatoj Safii.
A 16‑j u niadzielu kiraŭnik RPC płanuje prybyć u Viciebsk. Patryjarch uskładzie kvietki da miemaryjalnaha kryža na miescy hibieli ŭ viciebskim kancłahiery 180 tys. achviar nacyzmu. Paśla hetaha ź jaho ŭdziełam adbudziecca malebien ŭ Śviata‑Pakroŭskim kafiedralnym sabory.
Prahrama vizitu kiraŭnika RPC u Biełaruś zavieršycca ranicaj 28 vieraśnia (paniadziełak) sustrečaj z moładździu ŭ Letnim amfiteatry, pa jaje zaviaršeńni patryjarch maje namier sustrecca z žurnalistami. Ź Viciebska ŭładyka Kiryła vierniecca ŭ Maskvu.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary