U aficyjnym hrafiku Bieniedykta XVI na 2010 hod pajezdki ŭ našu krainu niama. Zamiest jaje jon naviedaje Partuhaliju.
13 traŭnia 2010 hodu papa rymski Benedykt XVI naviedaje ź vizytam Partuhaliju. Na čarhovuju hadavinu źjaŭleńnia Baharodzicy pantyfik pryjedzie ŭ słavutuju viosku Fatymu.
U interviju Radyjo Svaboda, dyrektar Biełaruskaj redakcyi Radyjo Vatykan, belhijski jezuit Klaŭdyj Rabine paviedamiŭ:
«Siońnia aficyjna paćvierdžana, što śviaty ajciec Benedykt XVI 13 traŭnia 2010 hodu na 92-hadavinu źjaŭleńnia Dzievy Maryi ŭ partuhalskaj miaścinie Fatyma naviedaje ź vizytam Partuhaliju. Tolki što paviedamleńnie ab hetym raźmieščana na aficyjnym sajcie Vatykanu».
Abłamiejka: A jak stavicca da paviedamleńnia polskaj Katalickaj ahiencyi infarmacyjnaj (KAI) ab tym, što Benedykt XVI mieŭ u hrafiku na 2010 hod vybar pamiž Partuhalijaj i Biełaruśsiu?
Rabine: Papa nia mieŭ ŭ hrafiku zhadki pra Biełaruś. Ja nia viedaju, adkul uziałosia paviedamleńnie KAI, my tut jaho bačyli... Ale ŭ aficyjnym hrafiku takoha nie było.
Abłamiejka: A ci mahčyma, kab papa pryjechaŭ u Biełaruś biez papiaredniaha planavańnia?
Rabine: Nu viedajecie, śviaty ajciec čałaviek užo niemałady i padarožničaje jon mała ŭ adroźnieńnie ad papiaredniaha papy.
Viadoma, mahčyma ŭsio.
My viedajem, što i Katalickaja carkva ŭ Biełarusi papu zaprašała pryjechać, i prezydent Łukašenka. Ale znoŭ kažu, u hrafiku takoj pajezdki niama.
A ŭ Partuhaliju papa pajedzie.
Na praciahu apošniaha tydnia biełaruskija medyi sa spasyłkaj na polskaje Katalickaje ahienctva infarmacyjnaje (KAI) paviedamlali, što ŭ hrafiku Benedykta XVI na nastupny hod zaplanavana pajezdka ŭ Partuhaliju abo Biełaruś.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary