Biełaruskim bijatłanistam praciahnuli zabaronu na mižnarodnyja starty
Siońnia ŭ Zalcburhu prajšoŭ Kanhres Mižnarodnaha sajuza bijatłanistaŭ (IBU). Na im razhladałasia pytańnie dopusku spartsmienaŭ dźviuch krain da mižnarodnych spabornictvaŭ. Pa jaho vynikach IBU praciahnuŭ zabaronu na ŭdzieł biełarusaŭ i rasijan u turnirach pad svajoj ehidaj. Za adchileńnie bijatłanistaŭ prahałasavali 39 nacyjanalnych fiederacyj, suprać — 2, jašče 5 ustrymalisia.
Nahadajem, što jašče ŭ sakaviku IBU adchiliŭ biełarusaŭ i rasijan ad udziełu ŭ startach pad svajoj ehidaj. Siońniašniaje pasiadžeńnie praciahnuła hetuju zabaronu.
Krychu raniej ministr sportu i turyzmu Biełarusi Siarhiej Kavalčuk kazaŭ, čaho jon čakaje ad Kanhresa.
«Ničoha ad ich nie čakajem… U sport umiašałasia palityka, my suprać palityki ŭ sporcie. Biełaruś praviała čempijanat Jeŭropy ŭ 2019 hodzie, paśla hetaha Estonija ŭ 2020-m nie zmahła pravieści turnir praz adsutnaść śniehu. Padstavili plačo, uziali na siabie ŭsie vydatki i praviali čempijanat Jeŭropy. Voś nam skazali dziakuj za pracu, jakuju my zrabili», — skardziŭsia Kavalčuk.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1
Kamientary