U Hłybokim pačaŭ pracavać «razumny prypynak», jaki miascovaja rajonnaja hazieta pradstaŭlaje jak «pieršy ŭ Biełarusi». Jaho pastavili na płoščy 17 vieraśnia da śviata «Dažynki», jakoje maje adbycca ŭ hetym rajcentry nieŭzabavie.
Na hetym prypynku možna pahladzieć raskład haradskich aŭtobusaŭ, a taksama daviedacca šmat inšyj karysnaj infarmacyi z dadatku «Moj horad»: pahladzieć adrasy pradpryjemstvaŭ, režym ich pracy, kantaktnuju infarmacyju. Taksama na im možna padklučycca da sietki WI-FI.
Nie abyšłosia, viadoma, i biez kamiery videakantrolu z zapisam na addaleny siervier u režymie realnaha času, što rajonnaja hazieta tłumačyć kłopatam pra «biaśpieku žycharoŭ».
Kamientary