Lider ruchu «Za svabodu» Alaksandr Milinkievič pavinšavaŭ Anhiełu Mierkiel ź pieramohaj partyi CHDS/CHSS na parłamienckich vybarach u Niamieččynie.
«Niamieččyna − viadučaja kraina ŭ abjadnanaj Jeŭropie − razhladajecca biełaruskimi prajeŭrapiejskimi siłami jak asnoŭny partnior u zbližeńni Biełarusi i Jeŭraźviaza i ŭ pašyreńni kaštoŭnaściaŭ jeŭrapiejskaj intehracyi siarod biełarusaŭ. My vysoka cenim padtrymku, što akazvajuć Niamieččyna i partyja CHDS biełaruskaj hramadzianskaj supolnaści. My pierakananyja, što naša supracoŭnictva, pabudavanaje na kaštoŭnaściach svabody i pravoŭ čałavieka, praciahniecca dziela likvidacyi aŭtarytaryzmu i linij, što dzielać Jeŭropu, i zabiaśpiečyć viartańnie Biełarusi ŭ jeŭrapiejskuju siamju demakratyčnych narodaŭ», − havorycca ŭ vinšavańni Alaksandra Milinkieviča.
Pavodle źviestak na 5 hadzinaŭ ranicy za błok CHDS/CHSS prahałasavali 33,8% vybarcaŭ.
U vyniku kansiervatary mohuć raźličvać na 239 miescaŭ u novym bundestahu.
Svabodnaja demakratyčnaja partyja Niamieččyny na čale z Hvida Vestervele atrymała 14,6%. Liberały mohuć atrymać u bundestahu 93 miescy.
CHDS/CHSS i SvDP u stanie sfarmavać «čorna‑žoŭty» kaalicyjny ŭrad.
Za Sacyjał‑demakratyčnuju partyju Niamieččyny addali svaje hałasy 23% vybarcaŭ. Ad jaje na pasadu kanclera kandydavaŭ kiraŭnik Ministerstva zamiežnych spraŭ Frank‑Valter Štajnmajier.
Kamientary