Vy možacie lubić harbatu ŭ pakiecikach abo zavarvać jaje ŭ čajniku — u lubym vypadku, važna viedać, jak heta rabić, kab atrymać najlepšy smak i pach. U vypadku ź zialonaj harbataj važna ŭličvać tempieraturu i čas zavarvańnia — i nie tolki.
Zialonaja harbata bahataja na karysnyja rečyvy: palifienoły, što abaraniajuć ad demiencyi, antyaksidanty, vitaminy i mikraelemienty. Pryniata ličyć, što zialonaja harbata spryjaje pachudańniu, bo katechiny, jakija ŭ joj źmiaščajucca, dobra spryjajuć źmianšeńniu tłuščavych adkładańniaŭ. Kali vy pjacie zialonuju harbatu z hetymi metami, lepiej ładzić čajapićcie pierad snom, piša onet.pl.
Časta ludzi nie nadta zadumvajucca, jak pravilna zavarvać harbatu, i prosta zalivajuć pakieciki ź joj kipniem. Ale kožny vid harbaty patrabuje pravilnaha staŭleńnia, i kali zavarvać harbatu pravilna, heta nie tolki dapamoža atrymać adpaviedny smak i pach, ale i zachavaje karysnyja ŭłaścivaści harbaty.
Čornuju, biełuju i travianuju harbatu lepš za ŭsio zalivać kipniem, ale ŭ vypadku ź zialonaj harbataj lepš spracuje prosta haračaja vada, a nie kipień. Praciahłaść zavarvańnia zaležyć ad pamieru čajnaha liścia: čym jano bolšaje, tym daŭžej budzie zavarvacca harbata, ale kali zavarvać harbatu zanadta doŭha, jana moža nabyć horki smak.
Adnu i tuju ž zialonuju harbatu možna zavarvać dva i navat try razy, ale nie trymajcie čajnaje liście vilhotnym bolš za 12 hadzin, bo inakš u im mohuć źjavicca hrybki. Pieršaje zavarvańnie pavinna być chutkim — 1-3 chviliny, nastupnyja mohuć być daŭžejšymi. Padčas pieršaha zavarvańnia vy atrymajecie bolš stymulujučy napoj, padčas druhoha — bolš supakojvajučy.
Zaraz viartajecca moda na toje, kab zavarvać harbatu ŭ čajniku. Cikava, što ad materyjału čajnika zaležyć, nakolki jakasnaj atrymajecca harbata. Kitajskuju harbatu rajać zavarvać u hlinianych ci farforavych čajnikach, indyjskuju i cejłonskuju — u ałavianych, srebranych ci hlinianych. Zialonuju harbatu lepš za ŭsio pić z farforavych kubkaŭ.
Kafiein robić čałavieka bolš schilnym da trat. Voś jak heta pracuje
6 zdaraviejšych za kavu napojaŭ, jakija ŭzbadziorać z ranicy
Kava ci čaj: jaki napoj lepš pasuje vam?
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary
ot nieho žie zuby portiatsia. i vkus čaja