Zatrymanaja za abrazu Łukašenki: Majo vyzvaleńnie kaštavała 24 tysiačy jeŭra
Pra zatrymańnie Volhi Mankievič, žycharki Andory, stała viadoma na minułym tydni. Jaje zatrymali 22 žniŭnia, kali jana pryjechała ŭ Biełaruś. Volzie inkryminavali abrazu Łukašenki za kamientaryi i skrynšoty ŭ instahramie. Adnak siońnia vyśvietliłasia, što jana na svabodzie.
Vyzvaleńnie kaštavała 24 tysiačy jeŭra. Pra heta Volha raskazała ŭ efiry «Obyčnoho utra».
Pa słovach žančyny, «heta była dobraja rabota advakata, jaki viedaŭ, z kim damaŭlacca, i adpaviedna šmat tysiač jeŭra… 24 tysiačy jeŭra».
Taksama jana kaža, što bolš u Biełaruś nie pryjedzie.
37-hadovuju ŭradženku Baranavičaŭ zatrymali 22 žniŭnia na vakzale, kali jana ŭ čarhovy raz pryjechała ŭ Biełaruś z Andory. Joj inkryminavali abrazu Łukašenki.
U videa sama Volha raspaviała, što ŭ žniŭni 2020 hoda paličyła, što vybary byli sfalsifikavanyja. U Instagram padpisałasia na staronku «Nexta», adkul rabiła skrynšoty i vykładvała na svoj staroncy, pisała kamientaryi.
Padčas pryjezdu ŭ Biełaruś jaje zatrymali i źmiaścili ŭ SIZA. U Biełarusi ŭ dziaŭčyny niama blizkich svajakoŭ, jana pryjazdžała naviedać znajomych i mahiłu maci, jakaja pamierła ŭ 2018 hodzie.
U videa Volha prosić prabačeńnia ŭ muža, jakoha jana, pavodle jaje farmuloŭki, «kinuła adnaho z synam» praź nieabdumannyja dziejańni.
U roliku jana pryznajecca ŭ lubovi da Biełarusi i kaža, što rada, što ŭ jaje biełaruski pašpart.
Pradstaŭnica prakuratury Ina Danilčyk skazała, što žančynie pradjaŭlenyja abvinavačvańni pavodle č. 1 art. 368 KK RB (abraza prezidenta Biełarusi). Sankcyja hetaha artykuła praduhledžvaje pakarańnie ad štrafu da źniavoleńnia da čatyroch hadoŭ.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary
obdirať i zarabatyvať na političieskich. Da, saša, nizko pał i opustiłsia. Žal, čto opuskajet Biełaruś, dumaja, čto vsie takije žie kak i on, złopamiatnyje krochobory.