U Rasii prachodziać akcyi suprać mabilizacyi. Udzielnikam pratestaŭ pahražajuć turmoj da 15 hadoŭ
Pieršyja akcyi prajšli ŭ Sibiry.
Vydańnie «7×7» piša, što niekalki dziasiatkaŭ čałaviek vyjšli na akcyi ŭ Irkucku i Ułan-Ude. Taksama jość paviedamleńni ab akcyjach u Chabaraŭsku i Jakucku.
U Irkucku, pavodle paviedamleńniaŭ telehram-kanała «Irkuck anarchiscki», siłaviki razahnali akcyju, zatrymaŭšy niekalki čałaviek. U inšych haradach, jak paviedamlajecca, palicyja razmaŭlaje z udzielnikami, praviarajučy dakumienty i prapanujučy razyścisia.
Niekalki dziasiatkaŭ čałaviek vyjšli na akcyju ŭ Tomsku. Palicyja pačała zatrymańni.
Tym časam prakuratura Maskvy vypuściła pieraściarohu ab adkaznaści za ŭdzieł u akcyjach.
U prakuratury zajavili, što «raspaŭsiud padobnych materyjałaŭ «praz sacsietki, forumy i inšyja sajty, uciahvańnie padletkaŭ u supraćpraŭnuju dziejnaść, a taksama arhanizacyja abo ŭdzieł u niezakonnych akcyjach praduhledžvaje administracyjnaje abo kryminalnaje pakarańnie, «u tym liku ŭ vyhladzie pazbaŭleńnia voli na termin da 15 hadoŭ».
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Kamientary