Ukrainskaja raźviedka śćviardžaje, što ŭ Biełarusi rychtujucca pryniać 20 tysiač mabilizavanych rasijan
Mabilizavanyja majuć papoŭnić dysłakavanyja ŭ Biełarusi padraździaleńni US RF, śćviardžaje Hałoŭnaje ŭpraŭleńnie raźviedki Ukrainy.
Dla raźmiaščeńnia, pavodle HUR Ukrainy, płanujecca vykarystoŭvać isnujučyja vajennyja fondy, a taksama cyvilnyja pamiaškańni i budynki. Pad hetyja patreby pieradajuć składy, anhary i inšyja pamiaškańni zakinutych sielskahaspadarčych pradpryjemstvaŭ i fiermierskich haspadarak.
«Paśla pavieličeńnia štata padraździaleńni buduć vykarystoŭvać rasijskuju vajskovuju techniku sa składoŭ na terytoryi Biełarusi. Taksama płanujecca ŭzmacnieńnie za košt techniki i ŭzbrajeńnia, źniatych z zachoŭvańnia na terytoryi Rasii. Niedachop techniki dla pieravozki asabistaha składu akupacyjnych vojskaŭ płanujecca papoŭnić za košt mabilizacyi cyvilnych hruzavych i lehkavych aŭtamabilaŭ.
Taksama ŭłady RB dali zahad pravaachoŭnym orhanam sadziejničać pradstaŭnikam US RF u mabilizacyi rasijskich hramadzian, jakija niadaŭna zajechali na terytoryju krainy», — śćviardžaje ŭkrainskaje viedamstva.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary