Papularny śpiavak skančaje pracu nad novym albomam «Moj siabra — aniołak». Heta sumiesny prajekt Źmiciera Vajciuškieviča i paeta Arcioma Kavaleŭskaha.
Na dysku budzie 21 kampazicyja. Heta historyi pra aniołkaŭ, jakija traplajuć u roznyja žyćciovyja situacyi.
Praź niekalki dzion, jak zapeŭnivaje Vajciuškievič, zapis budzie skončany. U im uziali ŭdzieł WZ-Orkiestra, Śviatłana Bień z hurtu «Srebnaje viasielle», Janka Maŭzier, Halina Kazimiroŭskaja, Siarhiej Truchanovič i inšyja.
Prajekt raźličany na siamiejnuju i dziciačuju aŭdytoryju. «Heta chutčej pieśni dla dziaciej, syhranyja pa-darosłamu», — adznačaje śpiavak.
Dysk «Moj siabra — aniołak» źjavicca ŭ prodažy napiaredadni Novaha hoda. A z adnajmiennaj kancertnaj prahramaj śpiavak vystupić 7 studzienia, na pravasłaŭnaje Rastvo.
