Pravaachoŭnyja orhany niekalki miesiacaŭ hanialisia za ŭzłomščykam sajtu najbujniejšaha internet-aŭkcyjonu eBay. Ślady złačyncy, pakinutyja im u internecie, pryviali ŭ abłasny centar Biełarusi — Bieraście.
Pravaachoŭnyja orhany niekalki miesiacaŭ hanialisia za ŭzłomščykam sajtu najbujniejšaha internet-aŭkcyjonu eBay. Ślady złačyncy, pakinutyja im u internecie, pryviali ŭ abłasny centar Biełarusi — Bieraście.
Nahadajem, jak usio pačałosia. 22 sakavika eksperty amerykanskaj kampanii Sunbelt Software, jakaja specyjalizujecca na IT-biaśpiecy, vyjavili sajt ebayseller.cc, zrobleny dla prodažu akaŭntaŭ (rachunkaŭ) pradaŭcoŭ i pakupnikoŭ aŭkcyjonu. Potym tyja, chto kupiŭ čužyja paroli i łaginy, mahli atrymlivać hrošy za vydumany tavar i rabić inšyja machinacyi. Chakier staraŭsia ŭzłomlivać i prapanoŭvać aktyŭnyja, ale redka naviedvalnyja akaŭnty, pryčym ulikovyja zapisy z bolšaj kolkaściu vodhukaŭ canilisia daražej: da 25 dalaraŭ za adzinku. Nižniaja planka cany składała 5 dalaraŭ. Adras elektronnaj pošty ŭdzielnika eBay prapanoŭvaŭsia jak “biaspłatny dadatak”. Kiraŭnictva kampanii damahłosia zakryćcia sajtu. Pra kolkaść paciarpiełych i sumu strataŭ mižnarodny aŭkcyjon pakul nie paviedamlaje.
Operupaŭnavažany adździełu pa raskryćci złačynstvaŭ u sfery vysokich technalohij Bieraściejskaha UUS Vital Sakałoŭ patłumačyŭ u interviju kanału ANT: “Dla maskiroŭki svaich śladoŭ u siecivie Internet, kamputarny złodziej jak praviła vykarystoŭvaje najnoŭšyja prahramnyja i aparatnyja srodki. Ale, tym nia mienš, u našym adździele pracujuć specyjalisty, jakija rehularna vyvučajuć navinki infarmacyjnych technalohij, uvieś čas udaskanalvajucca”.
Na dumku specyjalistaŭ milicyi, bieraściejski chakier moh by zastacca niezaŭvažanym pravachoŭčymi orhanami Biełarusi tolki ŭ vypadku, kali b jamu ŭdałosia nabyć darahoje abstalavańnie i avałodać bolš hłybokimi viedami IT-technalohij. Vopyt bieraściejca jak karystalnika PK, składaŭ tolki try hady. U vyniku banalna nie chapiła dośviedu kanśpiracyi.
U 2006 hodzie heta ŭžo 14-je złačynstva ŭ sfery vysokich technalohij u Bieraściejskaj vobłaści.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»3
Kamientary