«Spadziajemsia na plonnaje supracoŭnictva ź dziaržaŭnymi strukturami». Kataliki vykazalisia adnosna situacyi z Čyrvonym kaściołam
Kuryja Minska-Mahiloŭskaj archidyjacezii siońnia vystupiła z aficyjnym paviedamleńniem «u suviazi sa źjaŭleńniem raznastajnaj, časam supiarečnaj, infarmacyi ŭ roznych srodkach masavaj kamunikacyi» adnosna situacyi z kaściołam śviatoha Symona i śviatoj Aleny ŭ Minsku.
Pavodle kiraŭnictva dyjacezii:
«1. Paśla ŭzharańnia ŭ pamiaškańni sakrystyi (prybudova da kaścioła) 26 vieraśnia 2022 hoda, zhodna z rašeńniem kamisii pa nadzvyčajnych situacyjach pry administracyi Maskoŭskaha rajona horada Minska (pratakoł №5 ad 26 kastryčnika 2022 hoda) zabaraniajecca ekspłuatacyja budynka. U suviazi z hetym viadzieńnie parafijalnaj dziejnaści ŭskładniajecca.
2. Kaściolny kamitet parafii starajecca vieści kanstruktyŭny dyjałoh z KUP «Minskaja spadčyna», jakaja źjaŭlajecca ŭłaśnikam kompleksa budynkaŭ Čyrvonaha kaścioła (śviatynia i plebanija) na pravie haspadarčaha viadzieńnia, dla chutčejšaj likvidacyi nastupstvaŭ uzharańnia.
3. Šukajucca alternatyŭnyja mahčymaści dla ŭznaŭleńnia dziejnaści parafijalnaj supolnaści ŭ isnujučych umovach».
Archidyjacezija spadziajecca na «plonnaje supracoŭnictva ź dziaržaŭnymi strukturami roznaha ŭzroŭniu», vieryć u toje, što śviatynia nadalej budzie słužyć viernikam, i zaklikaje viernikaŭ malicca za heta.
Čytajcie taksama:
Minskija ŭłady prakamientavali skandał z Čyrvonym kaściołam
Ułady zabirajuć u viernikaŭ Čyrvony kaścioł. Što budzie dalej?
Nie tolki Čyrvony kaścioł. Ułady zakryli škołu pry katalickim Chryścijanskim sacyjalnym centry ŭ Minsku
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść14
Kamientary