Navat kali vy praviedvajecie blizkaha siabra, usio roŭna jość rečy, jakija nie varta dazvalać sabie ŭ čužym domie. Voś jakija pavodziny z boku haściej asabliva razdražniajuć haspadaroŭ.
Vy dakranajeciesia da čužych rečaŭ i mianiajecie ich stanovišča
Kali vam kažuć «Budź jak doma», naŭrad ci treba heta ŭsprymać litaralna. Lepiej nie kłaści nohi na meblu, a taksama, kali vy nie ŭ blizkaha siabra, nie adkryvać chaładzilnik biez dazvołu, piša Huffpost.
Kali ž niejki pradmiet vas zacikavić i vam zachočacca ŭziać jaho ŭ ruki, spytajcie ŭ haspadara, ci možna heta rabić, i pačakajcie jaho dazvołu.
Vy čakajecie ekskursii pa domu
Nie patrabujcie ad ludziej, kab jany pakazali vam uvieś dom, lepiej pačakajcie, pakul haspadar sam pažadaje prajścisia z vami pa ŭsich pakojach. Šmat chto rady pravieści dla haściej nievialikuju ekskursiju, ale ž heta byvaje nie zaŭsiody, i kali haspadar nie žadaje vam pakazvać svoj dom, nie varta vyvučać jaho samastojna.
Vy złoŭžyvajecie haścinnaściu haspadaroŭ
Viedajcie, kali treba sychodzić dachaty. Nie možacie zrazumieć, ci treba ŭžo heta rabić? Źviarnicie ŭvahu na movu cieła haspadaroŭ i sačycie za mahčymymi namiokami. Kali haspadary ŭžo apranuli načnuju pižamu, heta viernaja prykmieta, što treba pieranosić viečarynu ŭ inšaje miesca.
Vy niešta psujecie i nie raskazvajecie pra heta
Usiakaje moža zdarycca, kali my ŭ haściach. Možna vypadkova pralić čyrvonaje vino na dyvan abo niešta raźbić, ale nie varta rabić vyhlad, što ničoha nie zdaryłasia, ci sprabavać schavać svaju pamyłku.
Vy cikaviciesia tym, što vas nie datyčycca
Być krychu cikaŭnym — heta naturalna, ale ŭstrymajciesia ad taho, kab zazirać u šafy i bufiety haspadaroŭ. I vam dakładna nie treba viedać, što ž za leki stajać u haspadaroŭ na kuchni.
Vy pryvodzicie z saboj kahości, kaho nie zaprašali
Viadoma, haspadaram moža padabacca bavić čas z vašym stryječnym bratam, abo vy možacie ličyć, što vaš novy chłopiec stanie svaim u luboj kampanii. Ale heta nie pryčyna pryvodzić u dom niečakanaha hościa biez dazvołu. Kali vam prama nie skazali, što vy možacie ŭziać z saboj jašče adnaho hościa (abo navat troch ci piaci), abaviazkova spytajciesia ŭ haspadaroŭ, ci možna heta zrabić. Navat kali vy sustreli mahčymaha hościa vypadkova i na šlachu da haspadaroŭ, dašlicie im chacia b paviedamleńnie.
Vy čakajecie, što ŭsie padładziacca da vašych pryncypaŭ charčavańnia
Vy viehietaryjaniec ci viehan? Majecie na niešta alerhiju? Kali vas zaprasili na abied, prosta papiaredźcie zahadzia haspadaroŭ pra svaje asablivaści charčavańnia, kab na samim abiedzie vy adčuvali siabie kamfortna.
Vy kormicie žyviołu haspadaroŭ
U vas mohuć być svaje pryncypy charčavańnia, ale i ŭ žyvioł jany taksama mohuć być. Tamu nie karmicie hadavanca haspadaroŭ, kali jany vam heta asabista nie dazvolili.
Vy prychodzicie ŭ hości z pustymi rukami
Jak hość, vy musicie prynieści z saboj nievialiki padarunak dla haspadaroŭ. Ale nie šukajcie niešta maštabnaje, chopić i prosta butelki vina ci bukieta kvietak, bo hałoŭnaje — znak uvahi.
Etykiet pa-biełarusku: spaźniacca, ihnaravać paviedamleńni, žalicca i «tykać»?
«Zmročnamu» amierykancu zładzili na pracy viečarynu, jakoj jon nie chacieŭ. Heta kaštavała pracadaŭcy 450 tysiač dalaraŭ
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu zastreliŭ svoj ža3
Kamientary