Raniej noč pamiaci rehularna pravodzilisia ŭ Kurapatach
Akcyja pamiaci projdzie 29 kastryčnika (subota) z 17.00 da 19.00 kala Muzieja akupacyi i baraćby za svabodu (Aukų g. 2A, nasuprać Łukišskaj płoščy).
U mierapryjemstvie voźmuć udzieł muzyki: Anastasija Špakoŭskaja, Alaksandr Pamidoraŭ, Jury Nieściarenka, Hanna Vałyniec, hurt «Biełaruski cud», paetki Sabina Bryło, Vanda Marcińš, Darja Roskač, staršynia Sajuza litoŭskich piśmieńnikaŭ Birute Januškajcie i inšyja hanarovyja hości. Žadajučym pradekłamavać vieršy budzie pradstaŭleny volny mikrafon.
Arhanizatary akcyi zaprašajuć biełarusaŭ Litvy sabracca ŭ hety viečar razam, kab pračytać i pasłuchać ulubionyja tvory, uzhadać tych, chto addaŭ svaje žyćci za volnuju Biełaruś. Ale «Noč (nie)rasstralanych paetaŭ» — heta nie tolki ŭšanavańnie pamiaci biaźvinna zahinułych, heta i prajava salidarnaści z tymi, chto znachodzicca ŭ źniavoleńni zaraz, zajaŭlajuć arhanizatary.
U noč z 29 na 30 kastryčnika 1937 h. — adna z najbolš kryvavych dataŭ u biełaruskaj historyi XX stahodździa. Tady ŭ zaścienkach NKUS byli rasstralanyja bolš za 100 pradstaŭnikoŭ biełaruskaj intelektualnaj elity: dziejačaŭ kultury, navuki, tahačasnych słužboŭcaŭ. Siarod ich byli 22 litaratary: paety, prazaiki, krytyki. Hety rasstreł staŭ samaj trahičnaj kropkaj chvali maštabnych represij suprać nacyjanalnaj intelihiencyi Biełarusi, jakija išli z 1929 hoda.
Raniej takija akcyi pa ŭšanavańni rehularna pravodzilisia ŭ Kurapatach u Minsku.