«Dyk ty maskal… — Ja ruski, darahaja». Biełaruski režysior źniaŭ film pra vajnu — trejler źbiantežyŭ ludziej
Biełaruski režysior Viačasłaŭ Sikora zdymaje film pra vajnu «Ruzzki śviet». Płanujecca, što film budzie hatovy ŭ śniežni. U tvitary režysior apublikavaŭ trejler budučaj stužki.
Padziei ŭ filmie adbyvajucca ŭ Biełarusi i Ukrainie. Jak možna mierkavać z trejlera, tam raskazvajecca pra mužčynu-rasiejca, jaki padtrymlivaje «śpiecapieracyju», havoryć štapmami prapahandy i sprabuje siłaj dabicca žančyny, jakoj jon ahidny.
U hetaj roli hałoŭnaha admoŭnaha piersanaža źniaŭsia sam Sikora.
Druźja, my zakančivajem film. Prošu riepost! Słava Ukraini pic.twitter.com/bisSVqHpFI
— Viačasłau Sikora (@SIKORA_slava) October 21, 2022
«Hety film vałanciorski, biudžet filma — kala 200 tysiač dalaraŭ», — raskazvaŭ jon na svaim jutub-kanale. Niechta z akcioraŭ pahadžaŭsia pracavać za 50 ci 100 dalaraŭ za źmienu, chtości z kamandy dapamahaŭ na zdymačnaj placoŭcy biaspłatna, dzialiŭsia Sikora. Pierad zdymkami jon naviedvaŭ Ukrainu, kab lepš adčuć situacyju.
Srodki, jakija ŭdasca atrymać z prakatu, režysior płanuje nakiravać na dapamohu ŭkrainskamu vojsku.
Vodhuki na trejler sprečnyja. Jość tyja, chto chvalić jaho i čakaje premjery, ale mnohija skieptyčna ŭspryniali toje, što pakazana ŭ kadry, i staviać pad sumnieŭ mastackuju vartaść budučaha filma.
«Na maju dumku, filmy hetaha žanru ciapier nie buduć usprymacca hledačom. My štodnia bačym nie vydumanyja, a realnyja historyi, hetym zabityja ŭsie navinavyja stužki. Dakumientałki, navat błohiery ŭsprymajucca lepš. Tamu što heta realnaje. Mahčyma, praz 2-3 hady paśla zakančeńnia vajny chopić sił», — dzielicca karystalnik tvitara.
«Toje, što ja ŭbačyŭ u trejlery, nie zachodzić, tamu što hulnia akcioraŭ, ahučka tak sabie, na 3 bały. Heta prosta majo mierkavańnie. Viadoma, što ŭvieś film nie bačyŭ, ale mnie čamuści dumajecca, što mienavita takoje ŭ Rasii zdymali pra Asieciju i pra Krym z Danbasam…» — piša jašče adzin čałaviek. Zaŭvahi da hulni akcioraŭ i huku jość i ŭ inšych, chto pahladzieŭ trejler.
«Nahadała sieryjały na NTB pra mientoŭ i bandytaŭ», — abmiarkoŭvajuć ludzi.
«Mnie padabajecca ideja hetaha», — nie zhodny ź imi adzin z hledačoŭ.
Viačasłaŭ Sikora — akcior i režysior z Mahiloŭščyny. U Ščučynie jon raźvivaŭ teatralnuju i kinastudyju.
U 2014-m zdymaŭ dakumientałku pra Majdan va Ukrainie.
Praz pahrozu pieraśledu paśla vybaraŭ-2020 jon pakinuŭ Biełaruś. Letaś na Sikoru zaviali kryminałki za raspalvańnie varažniečy, paklop i abrazu ŭłady i abviaścili ŭ mižnarodny vyšuk.
Ciapier čytajuć
Dačka deputata z Ašmian trapiła na dziaržsłužbu. Dla hetaha jana kinuła nieŭjaznoha chłopca5
Kamientary