Pra heta paviedamiła ŭ piatnicu TASS krynica ŭ suśvietnaj arhanizacyi.
«Delehacyi sklikajuć pasiadžeńnie RB AAN [31 kastryčnika]», — skazaŭ surazmoŭca ahienctva.
Nahadajem, što samalot Ryanair, jaki lacieŭ z Afin u Vilniu, 23 maja 2021 hoda byŭ prymusova pasadžany ŭ Minsku nibyta z-za paviedamleńnia ab vybuchovaj pryładzie na borcie. Paśla pasadki byli zatrymanyja Raman Pratasievič i Safija Sapieha.
Paśla hetaha incydentu Jeŭrasajuz zabaraniŭ biełaruskim avijakampanijam ažyćciaŭlać rejsy ŭ aeraporty supolnaści i nad jaho terytoryjaj, a taksama parekamiendavaŭ jeŭrapiejskim pieravozčykam admovicca ad palotaŭ u pavietranaj prastory Biełarusi.
Mižnarodnaja arhanizacyja hramadzianskaj avijacyi (ICAO) u svaim dakładzie pryjšła da vysnovy, što źviestki ab najaŭnaści bomby na borcie samalota byli zahadzia łžyvymi.
