Spravu «rejkavaha partyzana», jakomu pry zatrymańni prastrelili kaleni, pieradali ŭ sud
Hienieralnaja prakuratura nakiravała ŭ sud kryminalnuju spravu ŭ dačynieńni da 40-hadovaha Vitala Mielnika, jaki ŭ sakaviku 2022 hoda na čyhunačnym pierahonie «Navasady — Barysaŭ» nibyta padpaliŭ relejnuju šafu śviatłafora aŭtamatyčnaha błakavańnia, čym vyvieŭ sa stroju sistemu sihnalizacyi.
Vitalu vystaŭlenyja abvinavačvańni pavodle čatyroch artykułaŭ Kryminalnaha kodeksu:
— akt teraryzmu (č.1 art. 289 KK);
— naŭmysnaje pryviadzieńnie ŭ nieprydatny dla ekspłuatacyi stan čyhunačnych šlachoŭ znosin u metach učynieńnia akta teraryzmu (č. 4 art. 309 KK);
— abraza Łukašenki (č. 1 art. 368 KK);
— niezakonnyja nabyćcio i zachoŭvańnie ahniastrelnaj zbroi, u tym liku ŭčynienyja paŭtorna (č. 2 i č. 3 art. 295 KK).
Viadoma, što ŭ SIZA Vital pierasoŭvajecca na mylicach.
Kamientary