«U ruskich raździaŭbajstva i chaos». Biełaruskija aficery raskazali, jak prachodzić zładžvańnie z ruskimi ŭ supolnych vučebnych centrach
Rasijski vajskova-prapahandyscki kanał «Źviazda» infarmuje ab treniroŭkach pa bajavym zładžvańni biełaruskich motastrałkoŭ terminovaj słužby z rasijskimi tankistami ŭ Nižaharodskaj vobłaści na Mulinskim palihonie. Anałahičnyja treniroŭki buduć pravodzicca i ŭ Biełarusi, paśla rašeńnia ab stvareńni sumiesnych trenirovačnych centraŭ. Dziejnyja aficery biełaruskaj armii raskazali «Našaj Nivie», što heta aznačaje i jak usprymajecca ŭ armii.
«Z praktyčnaha. Sumiesnyja centry buduć praduhledžvać padrychtoŭku pa adzinych prahramach vajennaha navučańnia — adbudziecca pieraaryjentacyja prahram vajskovaha navučańnia na rasijski padychod.
Dla kožnaha rodu vojsk i śpiecyjalnaści isnujuć prahramy navučańnia. Naprykład, voźmiem tych samych motastrałkoŭ, jakija trenirujucca pavodle Prahram bajavoj padrychtoŭki — u nas hetyja prahramy skapijavanyja z prahram SSSR i abnaŭlalisia nieistotna, što b chto ni kazaŭ.
U Rasii ž hetyja prahramy istotna abnoŭlenyja i adaptavanyja pad zachopnickija zadačy rasijskaj armii, da čaho, vidać, buduć pryvučać i biełarusaŭ.
Nie kažučy ab pahłybleńni mižasabovych sacyjalnych kantaktaŭ i pryvučvańnia sałdat da dumki, što ŭ Biełarusi i Rasii adna armija, z čaho vynikaje vysnova — što i narod adzin. Heta z palityčnaha.
U doŭhaterminovaj pierśpiektyvie heta niasie pahrozu kančatkova aformlenaj straty biełaruskaj dziaržaŭnaści. Nizavy skład biełaruskaha vojska nie budzie bačyć sensu ŭ abaronie suvierenitetu ad svaich ža «kaleh», kali takaja situacyja zdarycca», — skazaŭ vajskoviec.
«Heta destruktyŭna, tamu što Rasija pahražaje biełaruskaj dziaržaŭnaści praz naratyŭ «adzin narod».
Taksama staŭlu na toje, što absalutnaja, absalutnaja bolšaść budučych biełaruskich sałdataŭ, jakija ciapier mnuć dzieŭkam cycki ŭ kłubach, paniaćcia nie majuć, čamu treba zabivać ukraincaŭ — u nas niama hetaha rasijskaha fašyzmu. Sumiesnaja vučoba z rasijanami, asabliva ź ichnimi instruktarami, — heta i sumiesny pobyt, i abałvańvańnie biełarusaŭ vusnami ichnich instruktaraŭ.
Ruskija tak prakačanyja prapahandaj, što tam zvyčajny aficer, zvyčajny sałdat — užo jak nampalit.
Słovam, ja ničoha dobraha ŭ hetym nie baču. Nu, biełarusy sutyknucca z tym, čaho jany nie viedali z časoŭ Savieckaha Sajuza — sa svajackimi źjavami ŭ vojsku, ź dziedaŭščynaj kaŭkazkich narodnaściaŭ, nu dy i chaj znajomiacca — ź inšaha boku, mohuć i adčuć siabie inšymi», — skazaŭ inšy aficer.
Ën adznačyŭ, što ŭ siłavych strukturach jość jak aficery-biełarusy, tak i aficery, jakija nie ličać biełarusaŭ asobnym narodam i chočuć dałučeńnia našaj krainy da Rasii.
«Jość dźvie katehoryi vajskoŭcaŭ-aficeraŭ:
a) biełarusy, jakija pražyli ŭsio žyćcio tut, sa svajakami i rodzičami,
b) ludzi ź siemjaŭ vajskoŭcaŭ, čyje baćki tut apynulisia volaj losu, i jany sami nie razabralisia, chto jany jość.
Voś hetaja katehoryja «b» — im sučasnyja ruskija mientalna blizkija. Hetaj druhoj katehoryi tut zaŭsiody było mienš za pałovu», — adznačaje aficer.
«Pieršaja katehoryja druhuju nikoli asabliva nie lubiła, a ciapier, ja dumaju, hetaja varožaść budzie i narastać, — kaža aficer. — U vojsku dy inšych strukturach biełarusy sutykajucca ź jadronym ruskim šavinizmam».
«U ruskich raździaŭbajstva i chaos, — tak apisvaje dośvied supracy z rasijskimi vajskoŭcami biełaruski aficer. — Ja heta prachodziŭ na sabie. My dziejničajem pa pisanych instrukcyjach, a ŭ ich viečnaje aby-što i fors-mažory. Raździaŭbajski padychod da techniki, siniušnaść «śpiacoŭ». My dla ruskich nacyki prosta tamu, što my nie takija, jak jany, nie tak žyviom», — skazaŭ «Našaj Nivie» aficer.
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary
Niet v Biełarusi armii, jesť kakije-to niedodiełki tupyje.