Čamu plitka na padłozie škodzić chatnim hadavancam? Na što jany chvarejuć i jak dapamahčy čatyrochłapym

U klinicy pracujuć 9 daśviedčanych vieterynaraŭ i 6 vieterynarnych fielčaraŭ.

U pryjomnym pakoi svajoj čarhi čakajuć uładalniki dźviuch žyviolin. Hanna pryviała jorkšyrskaha terjera, kab zrabić pryščepku. U čakańni vykliku jana dziełavita rasšpilvaje na ŭlubioncu kambiniezončyk, adnačasova supakojvajučy ŭschvalavanaha hadavałaha sabačku.

— Hetuju kliniku mnie paraili siabry, — raspaviadaje ŭładalnica jorka. — Sienia ŭžo mieŭ niehatyŭny dośvied naviedvańnia inšaj, kali byli prablemy z zubami. Tamu vyrašyła zrabić pryščepku tut, kab nie nahadvać sabaku ab niadaŭnim stresie.

Pavialičyć

Vieterynarny fielčar Pavieł Reksten pravodzić nieabchodnyja manipulacyi i daje niekalki parad pa ŭtrymańni sabaki.

Adnačasova na pryjom da doktara pryjšła siamja — baćka ź dźviuma dočkami prynios bujnoha adnahadovaha kaciaru Boniu.

— U jaho na šyi źjaviłasia zaćviardzieńnie, — dzielicca starejšaja ź siaścior Lera. — Tamu my i vyrašyli pakazać Boniu doktaru. Spadziajomsia, što zmožam chutka jaho vylečyć.

Siarhiej Pierunoŭ pravodzić ahlad pušystaha pacyjenta, stavić dyjahnaz, pryznačaje preparaty i raskazvaje baćku siamiejstva, jak lačyć ulubionca siamji, kab toj chutčej papraviŭsia.

Pobač na pracedurnym stoliku lažyć pad kropielnicaj katok «dvarovaj» parody Bublik.

— Tak jaho nazvała dzicia, kali znajšło na vulicy. Uručajučy babuli, skazała: «Trymaj, heta Bublik!» U nas usie lubiać žyvioł: u maich baćkoŭ, u siastry i ŭ mianie doma šmat sabak i katoŭ, pryčym amal usie — padabranyja na vulicy, — raskazvaje Kaciaryna. — Bubliku, jaki žyvie ŭ majoj mamy ŭ vioscy, stała drenna, i my chucieńka pryjechali siudy, u kliniku. Tut pracujuć vopytnyja daktary. My časta źviartajemsia da ich, bo našym hadavancam nieabchodna pravodzić płanavyja ahlady i rabić pryščepki. Bubliku pastavili dyjahnaz «virusnaja infiekcyja», i ciapier jon lečycca…

U kabiniecie Aleny Kalininaj źjaŭlajucca novyja pacyjenty. Julija i Dźmitryj pryviali na pryjom pušystaha sabaku Čarli. U dvuchhadovaha čau-čau źjaviłasia alerhija na korm, i doktar paraiŭ uładalnikam sabaki vyśvietlić, jaki mienavita kampanient vyklikaŭ takuju reakcyju, a taksama patłumačyŭ, što prablema budzie likvidavanaja paśla zamieny kormu. U kancy prapisvaje kurs lačeńnia dla źniaćcia bolu ŭ sabaki.

A voś čornamu sabaku Nikie pašancavała mienš. Jaje ŭładalniki Aleh i Jana raspaviadajuć, što ŭ Niki źjavilisia prablemy z zadnimi łapami — jana časta stamlajecca, paśla prahułki doŭha skuholić ad bolu, nie choča ŭstavać.

Pavialičyć

Doktar Dźmitryj Ohnieŭ pierakonvajecca, što ŭ sabaki lišniaja vaha i artryt zadnich łap. Jon cikavicca, ci pakładziena va ŭładalnikaŭ žyvioły doma na padłozie plitka. Na jaho dumku, heta nie samym lepšym čynam adbivajecca na zdaroŭi sabaki:

— Pa-pieršaje, padłoha ŭ takim vypadku ślizkaja, što stvaraje dadatkovuju nahruzku na sustavy, a pa-druhoje, doŭhaje lažańnie na chałodnym pakryćci — pryčyna chvarob močapałavoj sistemy.

U karotkija pierapynki pamiž pryjomam pacyjentaŭ zadaju pytańni Dźmitryju Hienadźjeviču:

— Ź jakimi zachvorvańniami žyvioł čaściej za ŭsio źviartajucca ich uładalniki i jakija miery nieabchodna pryniać, kab paźbiehnuć abo minimizavać ich nastupstvy?

— Jość hrupa zachvorvańniaŭ, jakija majuć peŭnuju siezonnaść. Naprykład, ciapier, jak i viasnoj, aktyvizavalisia iksodavyja klaščy, jakija źjaŭlajucca pieranosčykami niebiaśpiečnych zachvorvańniaŭ. Tamu asabliva ŭvažlivymi treba być uładalnikam sabak. Nie zabyvać apracoŭvać hadavancaŭ ad nasiakomych-kryvasmokaŭ, pryčym jakasnymi preparatami. Jany daražejšyja, ale abaraniajuć lepš, čym tannyja srodki ci ašyjniki.

— Da jakich zachvorvańniaŭ schilnyja kotki, na što ich uładalnikam varta źviarnuć uvahu? — cikaŭlusia ŭ vieturača.

— Koški ŭ bolšaści vypadkaŭ traplajuć da nas z cystytam abo močakamiennaj chvarobaj. U pieršym vypadku — chałodnyja padłohi i skraźniaki. A voś u druhim — vinavatyja sami ŭładalniki. Kotkam lepš nie davać tanny suchi korm, a taksama rybnyja i małočnyja pradukty, pra što ludzi časam zabyvajuć. Nie ŭsio, što nieabchodna čałavieku, karysna žyviołam.

Pavialičyć

— U praktycy kliniki byli vypadki akazańnia dapamohi dzikim žyviołam abo ptuškam? — nie supakojvajusia ja.

— Tak, niadaŭna da nas na pryjom pryvieźli lebiedzia, jakomu sabaka ledź nie pierahryz horła. Svoječasova paśpieli vyzvalić ptušku z pałonu. Jana vyžyła. Byŭ vypadak, kali mnie daviałosia lačyć jadavituju reptyliju: u jaje naziralisia prablemy z vačami. Vykonvajučy miery zaściarohi, dapamohu akazali ŭ poŭnym abjomie. U liku našych «padapiečnych» — i žychary kantaktnaha zaaparka.

— Jakich ekzatyčnych hadavancaŭ prynosiać na pryjom hamialčanie?

— Aproč zvyčajnych košak, sabak, trusoŭ i papuhajaŭ roznych parod, časam prosiać palačyć lisaŭ, mini-pihaŭ i reptylij. Plitka, vykładzienaja na padłozie doma, nie samym lepšym čynam adbivajecca na zdaroŭi sabak.

— Što b vy paraili ŭładalnikam žyvioł?

— Lubić i kłapacicca ab ich zdaroŭi, prytrymlivacca režymu charčavańnia i zabiaśpiečvać kamfortnyja ŭmovy ŭtrymańnia. I pry samym niaznačnym niedamahańni nie zaciahvać pachod da vieterynara — chvarobu lahčej papiaredzić, čym lačyć.

Dźmitryj Ohnieŭ źviartaje ŭvahu na toje, što pryjom u klinicy viadziecca kruhłasutačna.

— Jość mahčymaść zamović vyjezd doktara na dom dla akazańnia ekstrannaj dapamohi albo płanavaha lačeńnia, naprykład, pastanoŭki kropielnicy abo praviadzieńnia vakcynacyi maleńkim kacianiatam i ščaniatam. U samoj klinicy my akazvajem šyroki śpiektr vieterynarnych pasłuh, jaki ŭklučaje UHD i renthien, łabaratornyja daśledavańni i mnohija inšyja pasłuhi.

Nie mahła nie pacikavicca hrašovym bokam pytańnia: adna sprava — płanavyja pracedury, a inšaja — ekstrannaja dapamoha, jakaja moža abyścisia haspadaru «ŭ kapiejčynu». 

Pytańnie apłaty vyrašajecca ŭ indyvidualnym paradku i tak, kab uličyć intaresy ŭładalnikaŭ žyvioł, — zapeŭnivaje mianie Dźmitryj Hienadźjevič.

• 39
• 0
• 3
• 3
• 3
• 4
• 1
• 0