WSJ: Daradca Bajdena pravioŭ sakretnyja pieramovy z nabližanymi da Pucina ab Ukrainie i jadziernaj zbroi
U apošnija miesiacy daradca prezidenta ZŠA pa nacyjanalnaj biaśpiecy Džejk Salivan pravioŭ niekalki kanfidencyjalnych pierahavoraŭ z pamočnikam prezidenta RF Juryjem Ušakovym i sakratarom Rady Biaśpieki RF Mikałajem Patrušavym. Pra heta paviedamlajuć krynicy The Wall Street Journal siarod čynoŭnikaŭ ZŠA i ich sajuźnikaŭ.
Pa słovach krynic haziety, metaj hetych kantaktaŭ było nie ŭrehulavańnie vajny va Ukrainie, a praduchileńnie eskałacyi i padtrymka kanałaŭ suviazi. Vydańnie dadaje, što hutarki taksama pravodzilisia, kab pieraścierahčy Maskvu ad užyvańnia jadziernaj zbroi ci inšaj zbroi masavaha paražeńnia.
Kali i jak časta Salivan kantaktavaŭ z Ušakovym i Patrušavym, krynicy The Wall Street Journal nie ŭdakładnili.
Akramia taho, pavodle infarmacyi vydańnia, Salivan zaklikaŭ kiraŭnictva Ukrainy publična zajavić pra hatoŭnaść urehulavać kanflikt. Raniej ab padobnych prośbach z boku Administracyi Prezidenta ZŠA paviedamlała The Washington Post.
Pres-sakratar Salivana nie stała kamientavać infarmacyju haziety.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1
Kamientary