Namieśnik dyrektara PVT paśla sustrečy z Łukašenkam: Pierahortvajem staronku i pracujem na stvareńnie ekanamičnaj mocy
Siońnia na naradzie ŭ Alaksandra Łukašenki vyrašyŭsia los PVT: jaho pakidajuć, «režym funkcyjanavańnia Parka vysokich technałohij zastajecca raniejšym». Kiraŭnictva PVT pakajałasia za dziejańni ajcišnikaŭ u 2020 hodzie i paabiacała «pracavać na stvareńnie, umacavańnie ekanamičnaj mocy našaj dziaržavy».
Na naradzie Alaksandr Łukašenka padakaraŭ ajcišnikaŭ za 2020 hod, «toj miaciež, jaki byŭ naviazany našamu narodu».
«Supracoŭniki Parka vysokich technałohij prajavili siabie, miakka kažučy, nie z najlepšaha boku. <…> My bačyli i atrymlivali źviestki napiaredadni hetaha miaciažu, što buduć zadziejničanyja supracoŭniki PVT jak ruchajučaja siła. I znoŭ ža, pryznajusia, što ni ja, ni śpiecsłužby nie nadali hetamu naležnaj uvahi. My prosta admachnulisia ad hetaha.
Ja dumaŭ, nu nie moža ž być, kab tvaje dzieci pačali suprać ciabie vajnu. Za heta i papłacilisia. Akazvajecca, što i takija dzieci mohuć vajavać suprać baćkoŭ, kali im dobra płaciać.
Heta značyć, našy ludzi (heta taksama treba adkryta pryznać), jakija pracujuć u Parku vysokich technałohij, atrymlivajuć prystojnyja dachody ŭ paraŭnańni ź siaredniaj zarpłataj u Biełarusi, addali pieravahu vialikim hrašam i vykonvali kamandy svaich zamiežnych haspadaroŭ, čaściej za ŭsio zaakijanskich», — skazaŭ jon.
Paśla hetaha, pavodle Łukašenki, u hramadstvie «prysutničaje niejkaja naściarožanaść» u dačynieńni da Parka vysokich technałohij, tamu «pryjšoŭ čas źniać niejkija niepatrebnyja nam niuansy z funkcyjanavańniem PVT».
Pytańnie vyrašyłasia stanoŭča.
«Režym funkcyjanavańnia Parka vysokich technałohij zastajecca raniejšym». Pra heta paviedamiŭ žurnalistam namieśnik dyrektara Administracyi PVT Kirył Zaleski pa vynikach narady.
«My zychodzim z taho, što adkryvajem novaje dychańnie dla parka. Za apošnija dva hady naš IT-siektar, ajcišniki pabyvali ŭ roznych situacyjach. Bolšaść šmattysiačnaj armii ajcišnikaŭ pracavała na ekanamičny dabrabyt našaj krainy.
Viadoma, byli i tyja, chto prajaviŭ siabie nie z samaha dobraha boku, unios svoj układ u razbureńnie, u destruktyŭnyja pracesy. Siońnia my zychodzim z taho, što hetu staronku pierahortvajem i praciahvajem pracavać na stvareńnie, na ŭmacavańnie ekanamičnaj mocy našaj dziaržavy», — paviedamiŭ jon.
Zaleski ničoha nie skazaŭ nakont adtoku z PVT zamiežnych kampanij i śpiecyjalistaŭ. Jon skazaŭ, što zaraz śfiery va ŭsim śviecie ciažka.
«Tak zdaryłasia, što IT-halina ŭsiaho śvietu trapiła ŭ idealny štorm. Siońnia ŭsie hłabalnyja suśvietnyja karparacyi skaračajuć supracoŭnikaŭ dziasiatkami tysiač čałaviek. Pa našych acenkach, hety adtok nie taki vialiki. My razumiejem, što jość abjektyŭnyja i subjektyŭnyja pryčyny. Ale ŭsio ž my prychilniki strymanaha aptymizmu. Dumaju, što ŭ vyniku ŭsio budzie dobra», — vykazaŭ jon aptymizm.
Park vysokich technałohij užo nie raz chavali ŭ niekatorych ŚMI, davali jamu zmročnyja prahnozy. Ale jon pracuje, niahledziačy ni na što, i jašče paraduje krainu i ździvić śviet. Upeŭnienaść u hetym vykazaŭ žurnalistam dyrektar Administracyi Parka vysokich technałohij Usievaład Jančeŭski.
Pavodle jaho, hałoŭny pasył Łukašenki ŭ adnosinach da PVT i IT-haliny zastajecca, pa vialikim rachunku, takim ža, jakim jon byŭ na praciahu mnohich hadoŭ.
«Prezident bazisna adnojčy vyznačyŭ svajo staŭleńnie da IT-haliny, ličbavaj haliny, da PVT (a jon jaho vyznačyŭ, kali stvaraŭ park), tak jano i zachoŭvałasia i zachoŭvajecca. Možam skazać, što kiraŭnik dziaržavy jašče raz paćvierdziŭ dakładnuju, prostuju i nieparušnuju pazicyju: Biełaruś i kiraŭnik dziaržavy zaŭsiody padtrymlivali vysokija technałohii, IT, PVT, i heta zachoŭvajecca.
Hałoŭny pasył — siońnia abaviazkova treba hladzieć u budučyniu, kab mahli spakojna i prahramisty, i kampanii pracavać, stvarać, tvaryć, iści napierad», — skazaŭ Jančeŭski.
«Park, stvorany prezidentam, byŭ honaram krainy, i jon im zastaniecca. I jašče paraduje krainu i ździvić śviet», — vykazaŭ upeŭnienaść jon.
I sama narada, i vystupy paśla jaje vyłučalisia vyklučnaj liślivaściu i ŭhodlivaściu da Łukašenki.
Vice-premjer Mikałaj Snapkoŭ, naprykład, skazaŭ, što Park vysokich technałohij byŭ stvorany i atrymaŭ raźvićcio dziakujučy «kiraŭniku dziaržavy». Jon źviarnuŭ uvahu na vybuchovy rost ekanamičnych pakazčykaŭ PVT za apošnija 5 hod i na abjom ekspartu parka, jaki faktyčna adpaviadaje ekspartu kalijnaj haliny krainy. I adbyłosia heta, pavodle Snapkova, dziakujučy Łukašenku.
«Heta surjozny ŭkład u ekspart i salda [źniešniehandlovaje], što dla nas važna vielmi. I hety vybuchovy rost apošnija 5 hadoŭ — dziakuj vam», — źviartajučysia da Łukašenki, skazaŭ Mikałaj Snapkoŭ. Jon adznačyŭ, što «PVT staŭ prykładam novaha napramku ŭ ekanomicy, stvoranaha ŭ Biełarusi pry niepasrednym udziele i sadziejničańni prezidenta», piša BiełTA.
Nasamreč rola Łukašenki ŭ stvareńni Parka była tolki ŭ tym, što jon daŭ zhodu na jaho — čaho nie patrabavałasia b u demakratyčnaj krainie.
Favarytka Łukašenki i Čyža — što pryniesła himnastcy Ksienii Sankovič blizkaść z palityčnymi elitami?6
Kamientary
S tiebia ž potom,durak jančievskij,škuru sdierut. Choť ty i vyť budieš,čto «kak łučšie chotieł». Ty,hłavnoje,pitajsia chorošo. Čtob dožił do etoho śviatoho momienta.