Praŭleńnie Nacbanka Biełarusi svajoj pastanovaj №378 ad 6 kastryčnika zaćvierdziła instrukcyju ab ažyćciaŭleńni apieracyj z bankaŭskimi apłatnymi kartkami i apłatnymi instrumientami, jakija zabiaśpiečvajuć ich vykarystańnie.
Dakumient źmiaščaje padrabiaznyja aznačeńni terminaŭ, jakija vykarystoŭvajucca, a taksama zakranaje pytańni emisii i raspaŭsiudžvańnia apłatnych kartak.
Naprykład, banki atrymajuć mahčymaść vypuskać svaje kartki z dapamohaj śpiecyjalnych aparataŭ samaabsłuhoŭvańnia — kartamataŭ. Jak praviła, hetyja aŭtamaty vykarystoŭvajucca dla zamieny kartak sa skončanym terminam dziejańnia.
Adznačana, što płatnyja abviestki ab apieracyjach z vykarystańniem kartki (vydača i ŭniasieńnie najaŭnych, płaciažy i h.d.) praz push-apaviaščeńnie abo SMS-paviedamleńnie banki zmohuć padklučać klijentu vyklučna pry najaŭnaści jahonaj zhody.
Taksama ŭ instrukcyi jość raździeł, jaki tyčycca apłatnaha ekvajrynhu (u tym liku internet-ekvajrynhu). U dakumiencie havorycca, što banki zmohuć akazvać handlovym i servisnym arhanizacyjam, a taksama apłatnym ahrehataram takuju pasłuhu pa kartkach tolki troch płaciežnych sistem: BIEŁKART, Mastercard i Visa. Kitajskaja UnionPay, jakuju taksama vykarystoŭvajuć u Biełarusi, nie zhadanaja.
Akramia taho, instrukcyja tyčycca pytańniaŭ pracesinhu, apłatnych apieracyj z vykarystańniem kartak i mnohich inšych niuansaŭ.