D-r historyi Janka Zaprudnik i a.Alaksandar Nadsan hetymi dniami śviatkujuć 80-hodździe. Ajciec Alaksandar naradziŭsia 8 žniŭnia 1926 h., Janka Zaprudnik – 9 žniŭnia.
| Alaksandar Nadsan |
| Janka Zaprudnik |
Alaksandar Nadsan – adna z hałoŭnych fihur hramadzkaha i carkoŭnaha biełaruskaha žyćcia ŭ Vialikabrytanii, apostalski vizytatar dla biełarusaŭ-katalikoŭ u zamiežžy, dyrektar Biełaruskaj biblijateki imia F.Skaryny ŭ Londanie – najlepšaha zboru biełarusiki ŭ Zachodniaj Eŭropie. Taja biblijateka zaŭsiody haścinna prymaje naviednikaŭ. Praciahvaje ŭ joj navukovyja daśledavańni i a.Alaksandar. Ciaham apošnich miesiacaŭ ubačyli śviet dźvie jahonyja knihi: «Pro patria aliena: Klaštar biełaruskich ajcoŭ-maryjanaŭ u Drui» i pierapracavanaje vydańnie knihi pra Mahdalenu Radzivił dy Hreka-katalickuju carkvu ŭ Biełarusi.
D-r Janka Zaprudnik, vypusknik Luvenskaha ŭniversytetu, doŭha pracavaŭ na radyjo «Svaboda», redahavaŭ hazetu «Biełarus». Jon staŭ nia tolki letapiscam najnoŭšaj historyi Biełarusi, jaki ŭ svaich artykułach reahuje na kožnuju padzieju na Baćkaŭščynie, ale i aktyŭnym udzielnikam biełaruskaha žyćcia na emihracyi. Schody, imprezy, memarandumy... Janka Zaprudnik – adzin z tych z ruchavikoŭ biełaruskaj dyjaspary ŭ ZŠA, na jakich hetaje žyćcio trymajecca.
I Janka Zaprudnik, i a.Alaksandar Nadsan – dźvie viežy biełaruskaha žyćcia na emihracyi. Zyčym im tryvałaści i doŭhich hadoŭ žyćcia.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski24
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary