«Pavieryła i adpraviła hrošy — i tak 12 razoŭ». «Doktar ź Siryi» padmanuŭ čarhovuju davierlivuju žančynu
U milicyju źviarnułasia 43-hadovaja žycharka Bresta i raspaviała, što stała achviaraj machlara ŭ internecie, paviedamiła pres-słužba MUS.
Akazvajecca, što žančyna paznajomiłasia ŭ sacyjalnaj sietcy z «doktaram ź Siryi», znosiny pieraraśli ŭ virtualny raman. U niejki momant chłopiec zachacieŭ prylacieć da biełaruski ŭ hości, jana pahadziłasia. Ale, pa jaho słovach, hrošaj na pajezdku nie chapała, i mužčyna paprasiŭ pieravieści patrebnuju jamu sumu ŭ doŭh.
Kali žančyna zrabiła pieršy pieravod u 2,4 tysiačy rubloŭ, u «siryjca» źjavilisia inšyja ciažkaści, jakija zapatrabavali dadatkovych ulivańniaŭ. Žančyna pavieryła i znoŭ adpraviła hrošy, usiaho 12 razoŭ.
Kali achviara pieraviała kachanamu kala 26 tysiač rubloŭ u ekvivalencie, a jon pierastaŭ vychodzić na suviaź, žančyna zrazumieła, što stała achviaraj afierystaŭ, i źviarnułasia ŭ milicyju.
Kamientary
Biełłrusy vy tam nie ach….li??