Pra heta paviedamiŭ ataman Mahiloŭskaj kazackaj akruhi Ihar Chadasievič.
Za heta voźmiecca Mahiloŭski haradski adździeł Respublikanskaha hramadskaha abjadnańnia «Biełaruskaje kazactva». Viasnoj nastupnaha hodu kazaki pačnuć budaŭnictva štaba, stajniaŭ, mini‑hatela, a taksama haspadarčych pabudovaŭ dla ŭtrymańnia i hadavańnia svojskaj žyvioły.
Meta stvareńnia stanicy — achova i zabieśpiačeńnie žyćciadziejnaści Barkałabaŭskaha manastyra, što ŭ Bychaŭskim rajonie.
«Taksama my płanujem zajmacca adradžeńniem i papularyzacyjaj kazackaj kultury i tradycyj, hadavańniem koniej, navučać konnamu sportu i bajavomu mastactvu», — skazaŭ ataman.
Takaja stanica ŭžo dziejničaje ŭ vioscy Bierazovičy ŭ Babrujskim rajonie.
Mahiloŭskaja kazackaja akruha była stvorana ŭ 2004 h.
U jaje skład uvachodziać Babrujski i Asipovicki haradskija i rajonnyja adździeły, a taksama mahiloŭski haradski kazacki adździeł. Mahiloŭskaje kazactva naličvaje bolš za 100 čałaviek i vyvodzić siabie ad 1654 h., kali rasiejski car Alaksiej Michajłavič, što pajšoŭ vajnoj na Reč Paspalituju, padpisaŭ ukaz ab stvareńni Čavuskaha i Mahiloŭskaha kazackich pałkoŭ.