Магілёўскія казакі засноўваюць станіцу каля Баркалабаўскага жаночага манастыра
Вясной наступнага году казакі пачнуць будаўніцтва штаба, стайняў, міні‑гатэля, а таксама гаспадарчых пабудоваў для ўтрымання і гадавання свойскай жывёлы.
Пра гэта паведаміў атаман Магілёўскай казацкай акругі Ігар Хадасевіч.
За гэта возьмецца Магілёўскі гарадскі аддзел Рэспубліканскага грамадскага аб’яднання «Беларускае казацтва». Вясной наступнага году казакі пачнуць будаўніцтва штаба, стайняў, міні‑гатэля, а таксама гаспадарчых пабудоваў для ўтрымання і гадавання свойскай жывёлы.
Мэта стварэння станіцы — ахова і забеспячэнне жыццядзейнасці Баркалабаўскага манастыра, што ў Быхаўскім раёне.
«Таксама мы плануем займацца адраджэннем і папулярызацыяй казацкай культуры і традыцый, гадаваннем коней, навучаць коннаму спорту і баявому мастацтву», — сказаў атаман.
Такая станіца ўжо дзейнічае ў вёсцы Беразовічы ў Бабруйскім раёне.
Магілёўская казацкая акруга была створана ў 2004 г.
У яе склад уваходзяць Бабруйскі і Асіповіцкі гарадскія і раённыя аддзелы, а таксама магілёўскі гарадскі казацкі аддзел. Магілёўскае казацтва налічвае больш за 100 чалавек і выводзіць сябе ад 1654 г., калі расейскі цар Аляксей Міхайлавіч, што пайшоў вайной на Рэч Паспалітую, падпісаў указ аб стварэнні Чавускага і Магілёўскага казацкіх палкоў.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты23
Каментары