AAT «Bychaŭski kansiervava-aharodninasušylny zavod» pryznany bankrutam. Ekanamičny sud Mahiloŭskaj vobłaści paviedamlaje pra jaho likvidacyju, piša Sputnik. Likvidacyjny praces adkryty pa 30 červienia 2023 hoda.
Na sajcie Bychaŭskaha rajvykankama havorycca, što pradpryjemstva źjaŭlajecca adnym z najbujniejšych vytvorcaŭ płodaaharodninnaj kansiervacyi ŭ Biełarusi. Asartymient kansiervaŭ, jakija tut vypuskalisia, pradstaŭleny bolš za 200 najmieńniami.
Pakupniku pradukcyja hetaha zavoda była viadomaja pad brendami «Choziain-Barin» i «Zakatki s hriadki».
Nie tak daŭno na pradpryjemstvie była praviedziena madernizacyja, ale heta nie dapamahło. Na hety momant pradpryjemstva maje daŭhoŭ kala 11,4 miljona rubloŭ. U 2021 hodzie abjom vytvorčaści źmienšyŭsia amal napałovu ŭ paraŭnańni z 2020-m, piša Sputnik sa spasyłkaj na rašeńnie suda. U asnoŭnym jon apošnim časam vypuskaŭ kansiervavany harošak, kukuruzu, ikru z kabačkoŭ i biarozavy sok.
Peŭny čas syravinu (haroch i kukuruzu) na pradpryjemstvie pierapracoŭvali nižej za sabiekošt, ale doŭha heta praciahvacca nie mahło.
Častka majomaści AAT užo pradadzienaja, ale dla poŭnaha pahašeńnia daŭhoŭ hetych srodkaŭ nie chapiła.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary