«Ukrainskamu boku treba prymać pad uvahu tyja realii, jakija skłalisia za hety čas. Hetyja realii kažuć, što ŭ Rasii źjavilisia novyja subjekty. Źjavilisia jany ŭ vyniku refierendumaŭ», — padkreśliŭ Piaskoŭ.
Akramia hetaha, jon nazvaŭ prapanavanyja ŭkrainskim prezidentam Uładzimiram Zialenskim try kroki dla miru va Ukrainie «tryma krokami da praciahu bajavych dziejańniaŭ».
Raniej Zialenski padčas zvarotu da lidaraŭ krain G7 nazvaŭ try kroki, jakija nabliziać nastupleńnie miru na terytoryi krainy.
Ukrainski lidar zajaviŭ, što pieršy krok zaklučajecca ŭ pieradačy Kijevu sučasnych tankaŭ, artyleryi, snaradaŭ, a taksama bolš reaktyŭnaj artyleryi i bolš dalnabojnych rakiet. Druhi krok — akazańnie padtrymki ŭ dasiahnieńni finansavaj, enierhietyčnaj i sacyjalnaj stabilnaści va Ukrainie ŭ 2023 hodzie, u pryvatnaści, zabieśpiačeńnie nadziejnaj abarony ŭkrainskaj enierhietyki ad udaraŭ.
Treci krok — vykanańnie «formuły miru», prapanavanaj prezidentam Ukrainy raniej, a taksama sklikańnie samitu Global Peace Formula Summit.
