Аб вывадзе расійскіх войскаў з Украіны да канца года не можа быць і размовы. У Расіі з'явіліся новыя суб'екты, заявіў прэс-сакратар прэзідэнта Расіі Дзмітрый Пяскоў.
«Украінскаму боку трэба прымаць пад увагу тыя рэаліі, якія склаліся за гэты час. Гэтыя рэаліі кажуць, што ў Расіі з'явіліся новыя суб'екты. З'явіліся яны ў выніку рэферэндумаў», — падкрэсліў Пяскоў.
Акрамя гэтага, ён назваў прапанаваныя ўкраінскім прэзідэнтам Уладзімірам Зяленскім тры крокі для міру ва Украіне «трыма крокамі да працягу баявых дзеянняў».
Раней Зяленскі падчас звароту да лідараў краін G7 назваў тры крокі, якія наблізяць наступленне міру на тэрыторыі краіны.
Украінскі лідар заявіў, што першы крок заключаецца ў перадачы Кіеву сучасных танкаў, артылерыі, снарадаў, а таксама больш рэактыўнай артылерыі і больш дальнабойных ракет. Другі крок — аказанне падтрымкі ў дасягненні фінансавай, энергетычнай і сацыяльнай стабільнасці ва Украіне ў 2023 годзе, у прыватнасці, забеспячэнне надзейнай абароны ўкраінскай энергетыкі ад удараў.
Трэці крок — выкананне «формулы міру», прапанаванай прэзідэнтам Украіны раней, а таксама скліканне саміту Global Peace Formula Summit.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе55
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе5
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары