U ZŠA adkazali na pahrozy Rasii z-za mahčymaj pastaŭki Ukrainie ZRK Patriot
U adkaz na śćviardžeńnie rasijskich čynoŭnikaŭ pra toje, što pastaŭki Ukrainie zienitna-rakietnych kompleksaŭ Patriot «pryviaduć da niepradkazalnych nastupstvaŭ», u ZŠA adznačyli, što tolki Rasija niasie adkaznaść za lubyja pravakacyi adnosna vajny va Ukrainie.
Pra heta, jak paviedamlaje «Jeŭrapiejskaja praŭda» sa spasyłkaj na CNN, u piatnicu na bryfinhu skazaŭ namieśnik śpikiera Dziaržaŭnaha departamienta ZŠA Viedant Pateł.
«Adzinyja pravakacyjnyja miery, jakija byli pryniaty na praciahu ŭsiaho hetaha kanfliktu, ažyćciaŭlajucca Rasijaj. ZŠA nie znachodziacca i nikoli nie znachodzilisia ŭ stanie vajny z Rasijaj», — padkreśliŭ jon.
Pradstaŭnik Dziarždepa taksama dadaŭ, što ZŠA ažyćciaŭlajuć mienavita toje, što skazaŭ Bajden Pucinu — «akažam dapamohu ŭ śfiery biaśpieki i dapamožam Ukrainie abaranić siabie i abaranić svaju terytaryjalnuju cełasnaść i suvierenitet».
Raniej telekanał CNN paviedamiŭ, što administracyja Džo Bajdena zaviaršaje padrychtoŭku płanaŭ pa adpraŭcy va Ukrainu sistemy supraćrakietnaj abarony Patriot, pra što moža być abvieščana ŭžo na bližejšym tydni.
Paviedamleńnie vyklikała reakcyju RF. Rasijskaje pasolstva ŭ ZŠA zajaviła, što rascenić pieradaču rakietnych kompleksaŭ Ukrainie jak pravakacyjny krok, jaki «pryviadzie da niepradkazalnych nastupstvaŭ». Maskva taksama pryhraziła źniščeńniem Patriot, nazvaŭšy ich «zakonnaj cellu».
U Pientahonie na heta raniej skazali, što zajavy Rasii ab niedapuščalnaści pieradačy Ukrainie kompleksaŭ Patriot nie paŭpłyvajuć na rašeńnie ZŠA pa vajskovaj dapamozie Kijevu.
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary