Papa Rymski Francišak u intervju ispanskaj haziecie ABC pryznaŭsia, što ŭžo padpisaŭ adračeńnie ad Śviatoha Pasada i zrabiŭ heta vielmi daŭno. Praŭda, dakumient atrymaje jurydyčnuju siłu tolki ŭ vypadku surjoznaha paharšeńnia jahonaha stanu zdaroŭja.
Francišak paviedamiŭ, što nieŭzabavie paśla abrańnia pantyfikam u 2013 hodzie jon napisaŭ zajavu ab adstaŭcy na vypadak, kali nie zmoža vykonvać svaje abaviazki pa stanie zdaroŭja. U hutarcy z karespandentam ispanskaj haziety ABC Francišak skazaŭ, što pieradaŭ list kardynału Tarčyzia Biertone, jaki ŭ toj čas byŭ dziaržaŭnym sakratarom Vatykana. Pantyfik dadaŭ, što, na jahonuju dumku, piśmovaje rasparadžeńnie znachodzicca ŭ ciapierašniaha dziaržaŭnaha sakratara Vatykana, kardynała Pjetra Paralina. Heta druhaja asoba ŭ ijerarchii Rymska-katalickaj carkvy paśla Papy.
Francišak, jakomu ŭ subotu spoŭniłasia 86 hadoŭ, u 2021 hodzie pieranios apieracyju pa likvidacyi zvužeńnia kišečnika. Taksama jaho mučać boli ŭ kaleniach, z-za jakich jon niekalki miesiacaŭ karystaŭsia invalidnym kresłam. U apošni čas jon usio čaściej vykarystoŭvaje kij zamiest invalidnaha kresła dla pieramiaščeńnia pa horadzie.
Na pytańnie, što adbudziecca, kali z-za prablem sa zdaroŭjem abo z-za niaščasnaha vypadku pantyfik raptam akažacca nie ŭ stanie vykonvać svaju pracu i ci nie varta ŭvieści praviła dla takich vypadkaŭ, Francišak adkazaŭ: «Na praktycy takoje praviła ŭžo isnuje».
«Ja ŭžo padpisaŭ svajo adračeńnie, — skazaŭ Francišak, adznačyŭšy, što jon zrabiŭ heta ŭ samym pačatku svajho papstva. — Ja padpisaŭ jaho i skazaŭ: «Kali ja stanu niamohłym ź miedycynskich pryčyn abo ź jakich-niebudź inšych, to voś majo adračeńnie».
U minułych vystupleńniach Francišak vitaŭ rašeńnie svajho papiarednika, papy Bieniedykta XVI, syści ŭ adstaŭku, kali z-za stałaha ŭzrostu toj adčuŭ, što nie zmoža naležnym čynam vykonvać svaje abaviazki. 95-hadovy Bieniedykt, jaki ciapier žyvie ŭ manastyry na terytoryi Vatykana, byŭ pieršym pantyfikam, jaki pajšoŭ u adstaŭku za apošnija 600 hadoŭ, i jaho sychod z pasady adkryŭ šlach dla abrańnia Franciška, jaki staŭ pieršym papam-paŭdniovaamierykancam.
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy5
Kamientary