Zarobki supracoŭnikaŭ biełaruskich IT-kampanii u Litvie ŭ dva z pałovaj raza bolšyja, čym siarednija pa krainie
U Litvu sioleta pryjechała rekordnaja kolkaść biełaruskich kampanij, jakija pracujuć u śfiery infarmacyjnych technałohij, a ź imi — i rabotnikaŭ, paviedamlaje Delfi sa spasyłkaj na radyjo LRT.
Tak EPAM Systems pavialičyła štat z 320 da amal 1500 čałaviek, a Wargaming — z 400 da amal 1000. Značna vyras taksama štat supracoŭnikaŭ biełaruskaj kampanii Coherent Solutions.
Pradstaŭnik «Inviestuj u Litvu» (kampanija dapamahaje biełarusam pieravieści biznes u Litvu) Elijus Čyvilis skazaŭ, što sioleta ŭ Litvu pierabralisia kampanii, jakija chacieli jak maha chutčej pazbavicca suviaziaŭ ź Biełaruśsiu.
«Mihracyja sioleta adroźnivałasia tym, što ŭ asnoŭnym heta byli kampanii, jakija chacieli pazbavicca suviaziaŭ ź Biełaruśsiu, zakryć tam svaje ofisy i źjechać z krainy», — skazaŭ Čyvilis.
Pa jaho słovach, chvala «pierasialeńnia» pryniesła karyść finansam Litvy. «Užo ciapier pa danych «Sodry» my bačym, što siarednija zarobki tych, chto pierabraŭsia ŭ Litvu, — u 2,7 raza vyšejšyja, čym u krainie (u Litvie siaredni zarobak «na papiery», pa danych za treci kvartał, składaje 1799 jeŭra, u IT-kampanijach — 4900 jeŭra). Heta ŭražalnyja sumy padachodnaha padatku, jakija iduć u biudžet. Heta stanoŭča adbivajecca na dziaržaŭnych finansach», — skazaŭ Čyvilis.
Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje49
Kamientary