Hramadstva33

Prapahandysty vinavaciać Nastu Łojku ŭ «špijanažy». Voś što jany razumiejuć pad hetym słovam

20 śniežnia «Biełaruś Siehodnia» vypuściła materyjał pra «špijonskuju sietku pad vyhladam vałancioraŭ-pravaabaroncaŭ». Ź jaho stanovicca zrazumiełym, u čym mohuć abvinavacić zatrymanuju pravaabaroncu Nastu Łojka. 

Nasta Łojka

Prapahandystka Ludmiła Hładkaja piša, što pravaabarončaja arhanizacyja Human Constanta nibyta «źbirała infarmacyju pra biełarusaŭ i pieradavała jaje śpiecsłužbam».

«Dokazami» jana nazyvaje toje, što vałanciory arhanizacyi vučylisia i stažyravalisia za miažoj, rychtavali analityčnyja materyjały z adkrytych sudoŭ, byli naziralnikami na vybarach, zapisvali pakazańni paciarpiełych padčas zatrymańniaŭ, dziažuryli kala RUUS. 

Łojku prapahandystka abvinavaciła ŭ tym, što jana kansultavała ludziej pa pravavych pytańniach, dapamahała rabić dakumienty. U vinu joj stavicca i toje, što jana davała kamientary zamiežnym žurnalistam i biełaruskim niezaležnym ŚMI.

Hładkaj nie spadabałasia toje, kamu dapamahali pravaabaroncy.

«Dyk zastupiciesia za ludziej! Za paralimpijcaŭ, jakich Zachad pazbaŭlaje spabornictvaŭ! Zastupiciesia za dziaciej ź ciažkimi zachvorvańniami, jakija nie mohuć atrymać lačeńnie ŭ našym sanatoryi ŭ Litvie! Za zmučanych biežancaŭ zastupiciesia. Tupnicie, narešcie, nahoj suprać sankcyj!» — aburajecca prapahandystka.

Pravaabarončaja arhanizacyja Human Constanta adreahavała na abvinavačvańni ŭ «špijanažy». 

«Z samoha svajho zasnavańnia pravaabarončaja arhanizacyja Human Constanta ažyćciaŭlała dziejnaść vyklučna mirnaha i pravaabarončaha charaktaru. My chočam padkreślić, što takaja dziejnaść źjaŭlajecca pravamiernaj i harantavanaja pravaabaroncam Kanstytucyjaj Respubliki Biełaruś i mižnarodnymi normami ŭ halinie pravoŭ čałavieka, u tym liku Dekłaracyjaj ab pravaabaroncach, zaćvierdžanaj Hienasamblejaj AAN 9 śniežnia 1998 hoda.

U suviazi z hetym, ličym, što ŭsie abvinavačvańni, jakija pryvodziacca ŭ artykule, źjaŭlajucca nieabhruntavanymi.

My, jak i raniej, budziem praciahvać svaju pravaabarončuju dziejnaść i dalej adstojvać pravy čałavieka dla kožnaha(aj), a taksama patrabavać spynić usie sproby pieraśledu i cisku na biełaruskich pravaabaroncaŭ u suviazi z ažyćciaŭleńniem imi prafiesijnaj dziejnaści».

Nahadajem, što Nasta Łojka znachodzicca za kratami z 28 kastryčnika. Joj niekalki razoŭ prysudžali sutki.

Kamientary3

  • Spravka
    21.12.2022
    Zdravstvujtie. Podskažitie, a hdie hotoviat etich pravozaŝitnikov? Kak ja ponimaju, minimum u takich ludiej dołžno byť juridičieskoje obrazovanije, połučiennoje v Biełarusi. I jeśli Hładkaja vozmuŝajetsia, čto niekomu zaŝitiť dietiej i ot sankcij, to pora postaviť vopros o podhotovkie profieśsionalnych pravozaŝitnikov v Akadiemii MVD.
    • Andruś
      21.12.2022
      Spravka, čytajcie Dekłaracyju ab pravie i abaviazku pryvatnych asobaŭ, hrup i orhanaŭ hramadstva zaachvočvać i abaraniać ahulnapryznanyja pravy čałavieka i asnoŭnyja svabody, pryniataj hienasamblejaj AAN u 1998 hodzie, a taksama Usieahulnuju dekłaracyju pravoŭ čałavieka, Mižnarodny pakt ab hramadznskich i palityčnych pravach i Mižnarodny pakt ab sacyjalnych i kulturnych pravach. Pakolki pravy čałavieka - reč univiersalnaja, to bok, jany całkam adnolkavyja dla ludziej, što ŭ Niderłandach, što ŭ Biełarusi, što ŭ Ruandzie, što ŭ Iranie - to dla ich abarony ŭ Biełarusi atrymańnie adukacyi mienavita ŭ Biełarusi zusim nie abaviazkovaje, a jak raz naadvarot - darečnaja adukacyja, atrymanaja na mižnarodnych adukacyjnych placoŭkach. 
      Što da akreślenych Hładkaj pytańniaŭ, to prava ŭdzielničać u paraalimpijskich spabornictvach, prava lekavacca ŭ biełaruskim sanatoryi ŭ Litvie i prava dziaržaŭ nie padviarhacca ekanamičnym sankcyjam niama va Usieahulnaj dekłaracyi pravoŭ čałavieka. To bok - hetyja rečy nie ŭvachodziać u śfieru, jakaja razhladajecca jak pravy čałavieka, i jakoj zajmajucca pravaabaroncy. Heta rečy ź inšaj śfiery dziejnaści. 
    • Kažan
      22.12.2022
      Spravka, a vy łukašyst ci prosta z hłuzdu ci prosta nia viedajecie, što ŭ RB bandyty zachapili ŭładu. Toj, chto zaraz nazyvaje siabie prezydentam nie lehitymny złačynca pačynajučy sa žniŭnia 1999 hodu. A ŭsie mianty, hbulniki, prakurory, sudździ j vajskoŭcy prosta bandyty j terarysty.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dačka Nadziei Jermakovaj pastaŭlaje rybu ŭ kałonii, balnicy i siłavikam3

Dačka Nadziei Jermakovaj pastaŭlaje rybu ŭ kałonii, balnicy i siłavikam

Usie naviny →
Usie naviny

U Rasii małankaj zabiła na plažy troch čałaviek. Jak tak atrymałasia?3

U Indyi pamierła najstarejšaja azijackaja słanicha. Joj było bolš za 100 hadoŭ1

U Homieli adbyŭsia pažar u rajonie pradpryjemstva VPK

Polskaja prakuratura paćviardžaje, što napad na rasijskaha apazicyjaniera Vołkava rabiŭsia «pad upłyvam» Leanida Nieŭźlina3

Łukašenka pryhraziŭ uradu adkaznaściu za «svavolstvy» z cenami5

Ukraina rakietnym udaram pakinuła rasijskuju elitnuju bryhadu marpiechaŭ biez kamandavańnia4

Iłan Mask zajaviŭ, što štučny intelekt užo siońnia razumniejšy za bolšaść ludziej5

Zialenski prapanavaŭ uznačalić urad Ukrainy Julii Śvirydzienka

Labiedźka pra syna-palitviaźnia: Heta nie bravada, ja hatovy abmianiać siabie na jaho12

bolš čytanych navin
bolš łajkanych navin

Dačka Nadziei Jermakovaj pastaŭlaje rybu ŭ kałonii, balnicy i siłavikam3

Dačka Nadziei Jermakovaj pastaŭlaje rybu ŭ kałonii, balnicy i siłavikam

Hałoŭnaje
Usie naviny →

Zaŭvaha:

 

 

 

 

Zakryć Paviedamić