«Rejkavamu partyzanu», jakomu pry zatrymańni prastrelili kaleni, prysudzili 16 hadoŭ kałonii
Vitalu Mielniku prysudzili 16 hadoŭ pazbaŭleńnia voli va ŭmovach strohaha režymu, paviedamlaje Dissident.by. Taksama jon musić spłacić 300 bazavych štrafu.
Viadoma, što mužčyna pražyvaje ŭ vioscy Chadakova Minskaha rajona, u jaho jość maleńkaje dzicia. Siamja ličyć, što Vital nie maje dačynieńnia da pradjaŭlenych artykułaŭ, i źviazvaje jaho zatrymańnie z pomstaj miascovaha sudździ, a taksama z tym, što raniej u Vitala była sudzimaść.
Sud prachodziŭ u zakrytym režymie. Mielniku stavili ŭ vinu akt teraryzmu (častka 1 artykuła 289 KK), naŭmysnaje pryviadzieńnie ŭ nieprydatny stan čyhunačnych šlachoŭ z metaj aktu teraryzmu (častka 4 artykuła 309 KK), abrazu Łukašenki (častka 1 artykuła 368 KK), niezakonnyja nabyćcio i zachoŭvańnie ahniastrelnaj zbroi (častki 2 i 3 artykuła 295 KK).
Hienprakuratura paviedamlała, što ŭ sakaviku jon nibyta padpaliŭ relejnuju šafu na čyhunačnym pierahonie Navasady — Barysaŭ. Pres-słužba viedamstva pisała, što pry zatrymańni supracoŭniki milicyi «abhruntavana ŭžyli ahniastrelnuju zbroju» — strelili pa jaho nahach z-za «realnaj pahrozy ŭzbrojenaha supracivu». Ale bolš vierahodna, što jaho pakalečyli śviadoma.
Vital dahetul pierasoŭvajecca na mylicach.
Čytajcie taksama:
Ludzi hoda pa viersii «Našaj Nivy» — hieroi, jakija chacieli spynić vajnu. Što pra ich viadoma?
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary